ಅಪರಿಚಿತ ಶವ ಪತ್ತೆ

ತುಮಕೂರು: ಕುಣಿಗಲ್​ ಪೊಲೀಸ್​ ಠಾಣೆ ವ್ಯಾಪ್ತಿಯ ಬಿಳಿದೇವಾಲಯದಿಂದ ಆಲಪ್ಪನಗುಡ್ಡೆ ಕಡೆಗೆ ಹೋಗುವ ರಸ್ತೆಯ ಎಡಭಾಗದಲ್ಲಿ ರೇಷ್ಮೆ ಫಾರಂ ಕಾಂಪೌಂಡ್​ ಬಳಿ ಮೇ.8ರಂದು ಸುಮಾರು 65 ವರ್ಷದ ಅಪರಿಚಿತ ವ್ಯಕ್ತಿಯ ಶವ ಪತ್ತೆಯಾಗಿದ್ದು, ವಾರಸುದಾರರು ಯಾರೆಂದು ತಿಳಿದು ಬಂದಿರುವುದಿಲ್ಲ.

ಮೃತನು 5.6 ಅಡಿ ಎತ್ತರವಿದ್ದು, ಮೃತ ದೇಹವು ಕೊಳೆತು ಹುಳು ಬಿದ್ದಿರುತ್ತದೆ. ಮೃತನ ಮೈಮೇಲೆ ಬಿಳಿ ಬಣ್ಣದ ಹೂವಿನ ಚಿತ್ರವಿರುವ ಮಾಸಲಾದ ರೆಡಿಮೇಡ್​ ತುಂಬು ತೋಳಿನ ಅಂಗಿ ಹಾಗೂ ಕಪ್ಪು ಬಣ್ಣದ ಪ್ಯಾಂಟು ಇರುತ್ತದೆ.

ವಾರಸುದಾರರು ಯಾರಾದರೂ ಇದ್ದಲ್ಲಿ ದೂ.08132 -220229, 0816 -2272451 ಸಂಪರ್ಕಿಸಿ.