ನಗರವಾಸಿಗಳ ಖುಷಿ ಹೆಚ್ಚಿಸಿದ ಜಿಟಿಜಿಟಿ ಮಳೆ

ತುಮಕೂರು:- ಸೋಮವಾರ ಬೆಳ್ಳಂಬೆಳಗ್ಗೆ ಜಿಟಿಜಿಟಿ ಮಳೆಯಿಂದ ನಗರವಾಸಿಗಳು ಖುಷಿಯಾಗಿದ್ದರು. ಮನೆಯ ಮೂಲೆಯಲ್ಲಿದ್ದ ಕೊಡೆಗಳು, ಸ್ಪಟೆರ್​, ರೈನ್​ ಕೋಟ್​ ಹೊರತೆಗೆದು ದಿನನಿತ್ಯದ ಚಟುವಟಿಕೆಗಳಿಗೆ ರಸ್ತೆಗಿಳಿಸಿದರು.

ವಾಯು ವಿಹಾರಿಗಳು, ಕೆಲಸಕ್ಕೆ ತೆರಳುವವರು, ಶಾಲೆ, ಕಾಲೇಜುಗಳಿಗೆ ತೆರಳುವ ಮಕ್ಕಳು ಸೋನೆ ಮಳೆಯಲ್ಲಿಯೇ ಕೊಡೆಯ ಆಶ್ರಯ ಪಡೆದರು. ರಸ್ತೆಗಳಲ್ಲಿ ದ್ವಿಚಕ್ರ ವಾಹನ ಸವಾರರು ಮಳೆ ನಡುವೆಯೇ ಸಾಗಿದರು.

ಪೋಷಕರು ಕೊಡೆಹಿಡಿದು ಮಳೆಯಲ್ಲಿಯೇ ಮಕ್ಕಳನ್ನು ಶಾಲೆಗಳಿಗೆ ಬಸ್​ ಹತ್ತಿಸಿದರು, ಇನ್ನು ಕೆಲವರು ದ್ವಿಚಕ್ರವಾನದಲ್ಲಿ ಮಕ್ಕಳನ್ನು ಕರೆದೊಯ್ಯುತ್ತಿದ್ದ ದೃಶ್ಯ ಕಣಿಸಿದವು. ಜಿಲ್ಲೆಯೆಲ್ಲೆಡೆ ಜಿಟಿಜಿಟಿ ಮಳೆ ಸುರಿದಿದ್ದು ಎಲ್ಲೆಡೆಯೂ ಖುಷಿಗೆ ಕಾರಣವಾಯಿತು.

ನಗರ ಪ್ರದೇಶ ಸೇರಿದಂತೆ ಗ್ರಾಮೀಣ ಪ್ರದೇಶಗಳಲ್ಲೂ ಜಿಟಿಜಿಟಿ ಮಳೆಯಿಂದಾಗಿ ಜನಸಾಮಾನ್ಯರು ಹೊರಗೆ ಬರಲು ಹಿಂದೇಟು ಹಾಕುವಂತಾಗಿತ್ತು.