ಕರ್ನಾಟಕ ಹಾಲು ಒಕ್ಕೂಟದಿಂದ ಪೂರೈಕೆ ಆಗುವ ನಂದಿನಿ ತುಪ್ಪ ಹೊರತುಪಡಿಸಿ ಇತರ ಕಂಪನಿಗಳ ತುಪ್ಪದ ಮಾದರಿ ಸಂಗ್ರಹಿಸಲಾಯಿತು. ಸರ್ಕಾರದ ಸೂಚನೆ ಹಿನ್ನೆಲೆಯಲ್ಲಿ ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ನಿಯಂತ್ರಣ ಜಿಲ್ಲಾ ಅಂಕಿತ ಅಧಿಕಾರಿ ಡಾ.ಅಲಕನಂದಾ ಮಳಗಿ ನೇತೃತ್ವದಲ್ಲಿ ತಾಲೂಕು ಅಧಿಕಾರಿಗಳು ಜಿಲ್ಲಾದ್ಯಂತ ಕಾರ್ಯಾಚರಣೆ ನಡೆಸಿದರು. ಶ್ರೀ ಕೃಷ್ಣ, ಸ್ವಸ್ತಿಕ್, ಜಿಆರ್ಬಿ, ಹ್ಯಾಟ್ಸನ್, ಶುಭಂ, ಶ್ರೀಮೂಲ ಸೇರಿ ವಿವಿಧ ತುಪ್ಪಗಳ ಮಾದರಿ ಪಡೆದುಕೊಂಡರು. ಜಿಲ್ಲೆಯಲ್ಲಿ ತುಪ್ಪ ಮಾರಾಟವಿದ್ದು, ಉತ್ಪಾದನಾ ಟಕಗಳಿಲ್ಲ. ವಿವಿಧೆಡೆ ಮಾರಾಟವಾಗುವ ತುಪ್ಪವನ್ನು ಪಡೆದ ಅಧಿಕಾರಿಗಳು ಪ್ರಯೋಗಾಲಯಕ್ಕೆ ಕಳಿಸಿಕೊಟ್ಟರು. ತಾಲೂಕು ಆಹಾರ ಸುರಕ್ಷತಾ ಅಧಿಕಾರಿಗಳಾದ ಕೃಷ್ಣ ರಾಠೋಡ್, ಕಲ್ಮೇಶ, ನಾಗರಾಜ, ಮಲ್ಲಿಕಾರ್ಜುನ ಸ್ವಾಮಿ ತಂಡ ಮಾದರಿ ಸಂಗ್ರಹಿಸಿತು.
