ಬಿಜೆಪಿ ಮತ್ತು ಸಂಘಪರಿವಾರದವರಿಗೆ ಮುಸ್ಲಿಂ ಎಂಬ ಹೆಸರು ಪ್ರಸ್ತಾಪ ಆಗುತ್ತಿದ್ದಂತೆ ಕಿವಿ ನಿಮಿರುತ್ತವೆ. ತೀರ್ಥಹಳ್ಳಿಯಲ್ಲಿ ಯುವತಿ ಮೇಲೆ ಅತ್ಯಾಚಾರ ನಡೆದಾಗ ಇವರ ಕಿವಿ ನಿಮಿರುವುದಿಲ್ಲ. ಟಿ.ನರಸಿಪುರದಲ್ಲಿ ದಲಿತ ಯುವಕ ವೇಣುಗೋಪಾಲನ ಹತ್ಯೆಯಾದಾಗ ಇವರ ಕಿವಿ ನಿಮುರುವುದಿಲ್ಲ. ದಲಿತ ನಾಯಕ ಪರಮೇಶ್ವರ ಅವರ ಮೇಲೆ ಹಲ್ಲೆ ನಡೆದಾಗ ಇವರ ಕಿವಿ ನಿಮಿರುವುದಿಲ್ಲ. ಇವರು ಎಷ್ಟು ಅತಿರೇಕಕ್ಕೆ ಹೋಗಿದ್ದಾರೆಂದರೆ ಉಡುಪಿ ಶಾಸಕ ಯಶ್ಪಾಲ ಸುವರ್ಣನಂಥವರು ಪರಮೇಶ್ವರ ಅವರ ಬಗ್ಗೆ ವೈಯಕ್ತಿಕವಾಗಿ ಮಾತನಾಡುತ್ತಾರೆ. ತುಮಕೂರಿನ ಬಿಜೆಪಿ ಧುರೀಣೆ ಸಿದ್ದರಾಮಯ್ಯನವರ ಕುಟುಂಬಸ್ಥರ ಬಗ್ಗೆ ವೈಯಕ್ತಿಕವಾಗಿ ನಿಂದನೆ ಮಾಡುತ್ತಾರೆ. ಇದೆಲ್ಲಾ ಹತಾಷ ಭಾವನೆಯನ್ನು ಎತ್ತಿ ತೋರಿಸುತ್ತದೆ ಎಂದ ಗಣಿಹಾರ, ಸಂಘ ಪರಿವಾರದವರು ಎಷ್ಟೋ ಬಾರಿ ಮಹಿಳೆಯರ ಮೇಲೆ ಅತ್ಯಾಚಾರ ಮಾಡಿದ್ದಾರೆ, ಗೌರವ ಕಳೆದಿದ್ದಾರೆ. ಆಗೆಲ್ಲಾ ಮಹಿಳೆಯರ ಗೌರವದ ಬಗ್ಗೆ ಇವರಿಗೆ ನೆನಪಾಗಲೇ ಇಲ್ಲವಾ? ಒಟ್ಟಾರೆ ಅಭಿವೃದ್ಧಿ, ಪ್ರಗತಿ ಬಗ್ಗೆ ಧ್ವನಿ ಎತ್ತದೆ ಕೇವಲ ಕೋಮುಭಾವನೆ ಕೆರಳಿಸುವುದೇ ಸಂಘ ಪರಿವಾರದ ಕೆಲಸವಾಗಿದೆ ಎಂದರು.
