ಜುಡೋ ಪಂದ್ಯಾವಳಿಯಲ್ಲಿ ಅಪಾರ ಸಾಧನೆ

ಬೆಳಗಾವಿ: ರಾಷ್ಟ್ರ, ರಾಜ್ಯಮಟ್ಟದ ಹಾಗೂ ಅಂತರ್​ ಕಾಲೇಜು ಮಟ್ಟದಲ್ಲಿ ಈಚೆಗೆ ವಿವಿಧೆಡೆ ಜರುಗಿದ ಜುಡೋ ಸ್ಪರ್ಧೆಗಳಲ್ಲಿ ಇಲ್ಲಿನ ಜಿಲ್ಲಾ ಕ್ರೀಡಾ ವಸತಿ ನಿಲಯದ ಕ್ರೀಡಾಪಟುಗಳು ಉತ್ತಮ ಸಾಧನೆ ಮಾಡಿದ್ದಾರೆ.

ಉತ್ತರ ಪ್ರದೇಶ ಹಾಗೂ ಆಂಧ್ರಪ್ರದೇಶದಲ್ಲಿ ಜರುಗಿದ ಅಂತರ್​ ಕಾಲೇಜು ಜುಡೋ ಪಂದ್ಯಾವಳಿಯಲ್ಲಿ ಭೂಷಣ ವನಾರಸೆ, ಸೌರಭ ಪಾಟೀಲ, ರೋಹಣ ಬಿ.ಎಸ್​., ರಾಧಿಕಾ ಡುಕರೆ, ಸಾಯಿಶ್ವರಿ ಕೊಡಚವಾಡಕರ ಚಿನ್ನದ ಪದಕ ಪಡೆದು ಮಧ್ಯಪ್ರದೇಶದ ಭೂಪಾಲ್​ನಲ್ಲಿ ಜರುಗುವ ರಾಷ್ಟ್ರಮಟ್ಟದ ಪಂದ್ಯಾವಳಿಗೆ ಆಯ್ಕೆಯಾಗಿದ್ದಾರೆ.

ರಾಮದುರ್ಗ ತಾಲೂಕಿನ ಚಂದರಗಿಯಲ್ಲಿ ಜರುಗಿದ ಕರ್ನಾಟಕ ರಾಜ್ಯ ಜುಡೋ ಪಂದ್ಯಾವಳಿಯಲ್ಲಿ ತುಕಾರಾಮ ಲಮಾನಿ, ವೈಭವ ಪಾಟೀಲ, ನೇತ್ರಾ ಪತ್ರಾವಳೆ, ಅಂಜಲಿ ಪಾಟೀಲ, ದರ್ಶನ ಪಾಟೀಲ, ಧನುಷ್​ ಎಲ್​. ಚಿನ್ನದ ಪದಕ ಪಡೆದಿದ್ದಾರೆ. ಬೆಳಗಾವಿಯಲ್ಲಿ ಜರುಗಿದ ರಾಜ್ಯಮಟ್ಟದ ಶಾಲಾ ಪಂದ್ಯಾವಳಿಯಲ್ಲಿ ಆಸೀಮಾ ಸಲ್ಮಾನಿ, ಮೇನಾ ಮೂಲ್ಯಾ, ಕಾವೇರಿ ಸೂರ್ಯವಂಶಿ, ಆರತಿ ಮುರಕುಟೆ, ಸಹನಾ ಬೆಳಗಲಿ, ವೈಷ್ಣವಿ ಭಡಾಂಗೆ, ವೈಭವ ಪಾಟೀಲ, ಅಂಜಲಿ ಪಾಟೀಲ, ಶ್ಲೋಕ್​ ಕಾತಕರ್​, ತೇಜಸ್​, ಶ್ರೇಯಲ್​ ಕೌರಿ ಚಿನ್ನದ ಪದಕದೊಂದಿಗೆ ರಾಜಸ್ಥಾನ ಹಾಗೂ ಮಣಿಪುರದಲ್ಲಿ ನಡೆಯಲಿರುವ ರಾಷ್ಟ್ರಮಟ್ಟದ ಪಂದ್ಯಾವಳಿಗೆ ಅರ್ಹತೆ ಪಡೆದುಕೊಂಡಿದ್ದಾರೆ.

ಚಿತ್ರದುರ್ಗದಲ್ಲಿ ಜರುಗಿದ ರಾಜ್ಯಮಟ್ಟದ ಪದವಿಪೂರ್ವ ಜುಡೋ ಪಂದ್ಯಾವಳಿಯಲ್ಲಿ ಸ್ಪಂದನಾ, ಶ್ವೇತಾ ಅಲಕನೂರ, ದಿವ್ಯಾ ಪಾಟೀಲ, ಸೋನಾಲಿಕಾ ಸಿ.ಎಸ್​., ಆಫ್ರಿನ್​ಬಾನು, ಸಂಗಮೇಶ ಮದಲಿ, ಬಸಲಿಂಗಯ್ಯ ಅಥಣಿಮಠ, ಧನುಷ್​ ಎಲ್​., ಆರ್ಯನ್​ ಡೊಂಗಳೆ, ಚಂದ್ರಶೇಖರಗೌಡ, ಪ್ರಥಮೇಶ ಪಾಟೀಲ ಚಿನ್ನದ ಪದಕ ಗೆದ್ದು, ದೆಹಲಿಯಲ್ಲಿ ಜರುಗುವ ರಾಷ್ಟ್ರಮಟ್ಟದ ಪಂದ್ಯಾವಳಿಗೆ ಆಯ್ಕೆಗೊಂಡಿದ್ದಾರೆ ಎಂದು ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆ ಉಪ ನಿರ್ದೇಶಕ ಬಿ.ಶ್ರೀನಿವಾಸ್​ ತಿಳಿಸಿದ್ದಾರೆ.