ಬೆಂಗಳೂರು ‘ಉದ್ಯಾನಗಳ ನಗರ’ ಎಂಬ ಹೆಗ್ಗಳಿಕೆ ಪಡೆದಿದೆ. ದಶಕಗಳ ಹಿಂದಿನಿಂದಲೂ ಇರುವ ಈ ಗೌರವಕ್ಕೆ ಕ್ರಮೇಣ ಚ್ಯುತಿ ಬರುತ್ತಿದೆ. ಆದರೂ, ಇಡೀ ದೇಶದಲ್ಲಿ ಅತಿ ಹೆಚ್ಚು (1,284) ಪಾರ್ಕ್ಗಳನ್ನು ಹೊಂದುವಲ್ಲಿ ಬಿಬಿಎಂಪಿ ದಾಖಲೆ ಸೃಷ್ಟಿಸಿದೆ. ಸಂಖ್ಯೆ ದೃಷ್ಟಿಯಲ್ಲಿ ‘ಸಾವಿರ ಉದ್ಯಾನಗಳ ನಗರ’ ಎಂದು ಹೇಳುತ್ತಿದ್ದರೂ, ಈ ಪಾರ್ಕ್ಗಳಿಂದ ಮಾಲಿನ್ಯ ಪ್ರಮಾಣ ತಗ್ಗಿಸಲು ಸಾಧ್ಯವಾಗಿಲ್ಲ. ಅಲಂಕಾರಿಕ ಸಸ್ಯಗಳು ಹಾಗೂ ಕುಬ್ಜ ಗಿಡಗಳನ್ನು ಬೆಳೆಸಲು ನೀಡಿರುವ ಆದ್ಯತೆಯನ್ನು ಸ್ಥಳೀಯ ಮರಗಳು ಹಾಗೂ ಅಧಿಕ ಆಮ್ಲಜನಕ ಉತ್ಪಾದಿಸುವ ಪ್ರಭೇದಗಳಾದ ಅರಳಿ, ಆಲ, ಬೇವು, ಹೊಂಗೆ, ಅರ್ಜುನ, ಶ್ರೀಗಂಧ, ತೇಗ, ಬಿದಿರು ತಾಳೆಮರಗಳಿಗೆ ಅಷ್ಟಾಗಿ ಮಣೆ ಹಾಕಿಲ್ಲ.
