ಮತದಾನ ಮಾಡಲು ಹಿಂಜರಿಕೆ
2019ರ ಲೋಕಸಭಾ ಚುನಾವಣೆಯಲ್ಲಿ 20,86,413 ಮತದಾರರಲ್ಲಿ 14,68,695 ಮಂದಿ ಮತ ಚಲಾವಣೆ ಮಾಡಿದ್ದಾರೆ. ಇದರಲ್ಲಿ 153 ಒಟ್ಟು ತೃತೀಯ ಲಿಂಗಿಗಳು ನೋಂದಣಿ ಮಾಡಿಕೊಂಡಿದ್ದರೂ 19 ಮಂದಿ ಮಾತ್ರ ಮತದಾನ ಮಾಡಿದ್ದರು. 2023ರ ವಿಧಾನ ಸಭಾ ಚುನಾವಣೆಯಲ್ಲಿ ತೃತೀಯ ಲಿಂಗಿಗಳ ನೋಂದಣಿಯಲ್ಲಿ ಏರಿಕೆ ಕಂಡು 226 ಜನ ನೋಂದಣಿ ಮಾಡಿಸಿಕೊಂಡಿದ್ದರು. ಆದರೆ ಕೇವಲ 49 ತೃತೀಯಲಿಂಗಿಗಳು ಮಾತ್ರ ಮತದಾನ ಮಾಡಿದ್ದರು. ಆ ವರ್ಷ 26,55,984 ಮತದಾರರು ನೋಂದಣಿ ಮಾಡಿಕೊಂಡಿದ್ದು, 19,95,152 ಮಂದಿ ಮತ ಚಲಾಯಿಸಿದ್ದರು.
2024ರ ಲೋಕಸಭಾ ಚುನಾವಣೆಗೆ ಒಟ್ಟು 20,92,222 ಅರ್ಹ ಮತದಾರರಿದ್ದು, ಅವರಲ್ಲಿ 10,26,324 ಪುರುಷ, 10,65,714 ಮಹಿಳಾ ಮತದಾರರು ಇದ್ದಾರೆ. ಆದರೆ ತೃತೀಯ ಲಿಂಗಿಗಳು 184 ಮಂದಿ ನೋಂದಣಿ ಮಾಡಿಕೊಂಡಿದ್ದಾರೆ. ಹಿಂದಿನ ಚುನಾವಣೆಗೆ ಹೋಲಿಗೆ ಮಾಡಿದರೆ ನೋಂದಣಿ ಮಾಡಿಸಿಕೊಂಡ ತೃತೀಯ ಲಿಂಗಿಗಳ ಸಂಖ್ಯೆಯಲ್ಲಿ ಇಳಿಕೆ ಕಂಡಿದೆ.
ಹಿಂದಿನ ಚುನಾವಣೆಯಲ್ಲಿ 226 ತೃತೀಯ ಲಿಂಗಿಗಳು ನೋಂದಣಿ ಮಾಡಿಸಿಕೊಂಡಿದ್ದರೂ ಈ ಬಾರಿ 42 ನೋಂದಣಿ ಕಡಿಮೆ ಆಗಿದೆ. ಮತದಾನ ಮಾಡಲು ತೆರಳಿದಾಗ ಇತರರು ನೋಡುವ ದೃಷ್ಟಿಕೋನ, ಅವರಲ್ಲಿಯೇ ಇರುವ ಹಿಂಜರಿಕೆ ಮನೋಭಾವದಿಂದ ತೃತೀಯ ಲಿಂಗಿಗಳ ನೋಂದಣಿ ಕಡಿಮೆ ಅಗುತ್ತಿದೆ ಎನ್ನಲಾಗಿದೆ.
