ಮಿತ್ರ ಸಮಾಜದ ಅಧ್ಯಕ್ಷ ಡಾ.ನಿತಿನ್ ಪಿಕಳೆ ಮಾತನಾಡಿ, ಜಿಲ್ಲೆಯ ರೋಲರ್ ಸ್ಕೇಟಿಂಗ್ ಕ್ರೀಡಾಪಟುಗಳು ರಾಜ್ಯ, ರಾಷ್ಟ್ರೀಯ, ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸಾಧನೆ ಮಾಡುತ್ತಿದ್ದಾರೆ. ಅದಕ್ಕೆ ಕಾರಣ ದಿಲೀಪ ಹಣಬರ್ ಅವರು. ಉತ್ತಮ ಸೌಲಭ್ಯ ಇಲ್ಲದೆಯೂ ಕ್ರೀಡಾಪಟುಗಳು ಸಾಧನೆ ಮಾಡುತ್ತಿದ್ದಾರೆ ಎಂದರೆ, ಸೌಲಭ್ಯ ಕೊಟ್ಟರೆ ಅವರು ದುಪ್ಪಟ್ಟು ಸಾಧನೆ ಮಾಡಬಹುದು ಎಂದು ನಾನು ಯೋಜಿಸಿದ್ದೆ. ನಗರಸಭೆ ಅಧ್ಯಕ್ಷನಾಗಿರುವಾಗಲೇ ಸ್ಕೇಟಿಂಗ್ ರಿಂಕ್ ನಿರ್ಮಾಣಕ್ಕೆ ಯೋಜಿಸಿದ್ದೆ. ಆದರೆ, ಸಾಧ್ಯವಾಗಿಲ್ಲ. ಈಗ ಅಸೋಸಿಯೇಶನ್ನವರು ನಿರ್ಮಾಣ ಮಾಡುತ್ತೇವೆ ಎಂದಾಗ ಸಹಕಾರ ನೀಡಿದ್ದೇನೆ ಎಂದರು. ಅಸೋಸಿಯೇಶನ್ ಗೌರವ ಅಧ್ಯಕ್ಷ ಗಿರೀಶ ರಾವ್, ಸ್ಟಾರ್ ಚಾಯ್ಸ್ ನೃತ್ಯ ಕಲಾ ಕೇಂದ್ರದ ಅಧ್ಯಕ್ಷ ರಾಜನ್ ಬಾನಾವಳಿ, ಮಿತ್ರ ಸಮಾಜ ಉಪಾಧ್ಯಕ್ಷ ನಿತಿನ್ ಪಾವಸ್ಕರ್, ಡಾ.ಹರೀಶ, ಶ್ರೀಪಾದ ನಾಯ್ಕ, ಸಚಿನ್ ದೇಸಾಯಿ, ಮಂಜುನಾಥ ನಾಯ್ಕ, ವಿಜಯಾನಂದ ನಾಯ್ಕ, ಅರುಣ ಬಾಡ್ಕರ್ ಇದ್ದರು.
