ಕಸ ನೀಡದಿದ್ದರೆ ದಂಡಪ್ರತಿದಿನ ಕಸವನ್ನು ನೀಡುವಾಗ ಕ್ಯುಆರ್ ಕೋಡ್ ಸ್ಕಾ$್ಯನ್ ಮಾಡಿ ಅದರಲ್ಲಿ ನಮೂದಿಸುತ್ತಾರೆ. ಇದರ ಜತೆಗೆ ಹಸಿಕಸ, ಒಣಕಸಗಳ ವಿಂಗಡಣೆಯಾಗಿದೆಯಾ ಎಂಬ ಬಗ್ಗೆ ಇದರಲ್ಲಿ ಮಾಹಿತಿ ಇರಲಿದೆ. ಜತೆಗೆ ಕಸ ನೀಡದ ಮನೆಗಳಿಗೆ ಮೂರು ದಿನಗಳ ಕಾಲ ನೋಟಿಸ್ ನೀಡುವ ಮೂಲಕ ಕಸವನ್ನು ಪೌರಕಾರ್ಮಿಕರಿಗೆ ನೀಡುವಂತೆ ಸೂಚನೆ ನೀಡಲಾಗುತ್ತದೆ. ಒಂದು ವೇಳೆ ಅದನ್ನು ಮೀರಿ ಕಸ ನೀಡದಿದ್ದಲ್ಲಿ ಅಂತಹವರಿಗೆ ಪ್ರತಿದಿನ 50 ರೂ. ದಂಡ ವಿಧಿಸಲಾಗುತ್ತದೆ. ಜತೆಗೆ ಬೆಳಗ್ಗೆ ಕೆಲಸಕ್ಕೆ ತೆರಳುವವರು ಕಸ ನೀಡಲು ಸಮಸ್ಯೆ ಆದಲ್ಲಿ ಅಂತಹವರಿಗೆ ವಾರ್ಡ್ಗೊಂದು ಕಸದ ಕಲೆಕ್ಷನ್ ಕೇಂದ್ರ ಮಾಡಲು ಸಲಹೆ ನೀಡಲಾಗಿದೆ. ಈ ವೆಬ್ಸೈಟ್ನಲ್ಲಿ ಮುಂದಿನ ದಿನಗಳಲ್ಲಿ ಕಂದಾಯ ಪಾವತಿಯ ವಿವರ ಕೂಡ ಲಭ್ಯವಾಗಲಿದೆ. ಸರ್ವೇ ಕಾರ್ಯದಲ್ಲಿ ಅದರ ಮಾಹಿತಿ ಪಡೆಯಲಾಗುತ್ತದೆ ಎಂದು ಯುವ ಸಂಚಲನ ಸಂಸ್ಥೆ ಅಧ್ಯಕ್ಷ ಚಿದಾನಂದ ಮೂರ್ತಿ ತಿಳಿಸಿದ್ದಾರೆ.31 ವಾರ್ಡ್, ದಿನವೊಂದಕ್ಕೆ 35 ಟನ್: ನಗರಸಭೆ ವ್ಯಾಪ್ತಿಯಲ್ಲಿ ಒಟ್ಟು 31 ವಾರ್ಡ್ಗಳಿದ್ದು, 2011ರ ಜನಗಣತಿ ಅನುಸಾರ 93,105 ಮಂದಿ ವಾಸವಾಗಿದ್ದರು. ಆದರೀಗ ಈ ಸಂಖ್ಯೆ ಸುಮಾರು 1.5 ಲಕ್ಷದ ವರೆಗೂ ಏರಿಕೆಯಾಗಿದೆ. ಈಗಾಗಲೇ ಪ್ರತಿ ದಿನಕ್ಕೆ 35&37 ಟನ್ ತ್ಯಾಜ್ಯ ನಗರ ವ್ಯಾಪ್ತಿಯಲ್ಲಿ ಸಂಗ್ರಹವಾಗುತ್ತಿದೆ. ಇದರಲ್ಲಿ 13 &15 ಟನ್ ಹಸಿ ಕಸ ಸಂಗ್ರಹವಾಗುತ್ತಿದ್ದು, ಇದನ್ನು ಖಾಸಗಿ ಎನ್.ಜಿ.ಓ ಸಂಸ್ಥೆಯ ಸಹಕಾರದೊಂದಿಗೆ ಗೊಬ್ಬರವನ್ನಾಗಿ ಪರಿವರ್ತಿಸಿ ರೈತರಿಗೆ ತಲುಪಿಸಲಾಗುತ್ತಿದೆ. ಉಳಿಕ 20ಕ್ಕೂ ಹೆಚ್ಚು ಟನ್ ಒಣಕಸ ವಿಲೇವಾರಿ ನಗರದ ಮೂರು ಕಡೆ ಮೂರು ಡ್ರೈಯಿಂಗ್ ಪಾಯಿಂಟ್ ಗಳ ಮೂಲಕ ವಿಲೇ ಮಾಡಲಾಗುತ್ತಿದೆ.ಬ್ಲಾಕ್ ಪಾಯಿಂಟ್ ಗುರುತುನಗರಾದ್ಯಂತ 130ಕ್ಕೂ ಅಧಿಕ ಕಸ ಹಾಕುವ ಬ್ಲಾಕ್ ಪಾಯಿಂಟ್ ಗುರುತು ಮಾಡಲಾಗಿದೆ. ಈ ಸ್ಥಳಗಳಲ್ಲಿ "ಕಸ ಹಾಕಬಾರದು' ಎಂದು ನಾಮಲಕ ಅಳವಡಿಸಿ ಗಿಡ ನೆಡಲಾಗಿದೆ. ಇಷ್ಟಾಗಿಯೂ ಎಲ್ಲೆಂದರಲ್ಲಿ ಕಸ ಹಾಕುವವರ ಗುರುತು ಮಾಡಲು ಸಿಸಿಟಿವಿ ಮತ್ತು ಪೌರಕಾರ್ಮಿಕರ ಕಣ್ಣಿಗೆ ಬಿದ್ದರೆ ಅವರಿಗೆ ದಂಡದ ಜತೆಗೆ ಅವರ ಮನೆ ಮುಂದೆ ತೆರಳಿ ತಮಟೆ ಬಾರಿಸಿ ಜಾಗೃತಿ ಮೂಡಿಸಲಾಗುತ್ತಿದೆ.
