ಗೆದ್ದಲು ಹಿಡಿಯುತ್ತಿದೆ ಅಂಗನವಾಡಿ ಕಟ್ಟಡ ; ಹೊನ್ನವಳ್ಳಿಯಲ್ಲಿ ಅಂಗನವಾಡಿ ಕಟ್ಟಿ 12 ವರ್ಷವಾದರೂ ಉದ್ಘಾಟನೆ ಭಾಗ್ಯವಿಲ್ಲ

ರಾಜಕಾರಣಿಗಳಿಗೆ ಹೊನ್ನವಳ್ಳಿ ಎಂದರೆ ಅಸಡ್ಡೆ. ನೀರಿನ ವಿಷಯದಲ್ಲೂ ಇದೇ ರೀತಿ ತಾತ್ಸಾರ ಮಾಡಿದರು. ಈಗ ನೋಡಿದರೆ ಲಕ್ಷಾಂತರ ರೂಪಾಯಿ ವೆಚ್ಚದಲ್ಲಿ ಸಾರ್ವಜನಿಕರ ತೆರಿಗೆ ಹಣದಿಂದ ನಿರ್ಮಿಸಲಾಗಿರುವ ಅಂಗನವಾಡಿ ಕಟ್ಟಡ ನಿರುಪಯುಕ್ತವಾಗಿ ಬಿದ್ದಿದೆ. ಇದಕ್ಕೆ ಕಾರಣ ತಿಳಿಸಬೇಕಾದ್ದು, ಸಂಬಂಧಪಟ್ಟ ಅಧಿಕಾರಿಗಳ ಜವಾಬ್ದಾರಿ. ಎ.ಆರ್. ನಂಜಪ್ಪ, ಹೊನ್ನವಳ್ಳಿ ಇದು, ಸುವರ್ಣ ಗ್ರಾಮ ಯೋಜನೆಯಡಿ ಸ್ಥಳೀಯ ಗ್ರಾಮ ಪಂಚಾಯಿತಿಯಿಂದ ನಿರ್ಮಿಸಲಾಗಿರುವ ಕಟ್ಟಡ, ಇದುವರೆಗೂ ಇಲಾಖೆಗೆ ಹಸ್ತಾಂತರವಾಗಿಲ್ಲ. ಜತೆಗೆ ಹೊನ್ನವಳ್ಳಿ ಯಾವುದೇ ಮಕ್ಕಳು ಸೌಲಭ್ಯದಿಂದ ವಂಚಿತರಾಗದಂತೆ 5 ಕಡೆ ಅಂಗನವಾಡಿ ಕೇಂದ್ರಗಳನ್ನು ತೆರೆಯಲಾಗಿದ್ದು, ಸಮರ್ಪಕ ಸೇವೆ ನೀಡಲಾಗುತ್ತಿದೆ. ಕಟ್ಟಡ ಹಸ್ತಾಂತರಿಸಿ, ಸರ್ಕಾರದಿಂದ ಕೇಂದ್ರ ಪ್ರಾರಂಭಿಸಲು ಸೂಚನೆ ಬಂದರೆ ಕಟ್ಟಡ ಬಳಸಲಾಗುವುದು. ಪಿ.ಓಂಕಾರಪ್ಪ, ಸಿಡಿಪಿಒ, ತಿಪಟೂರು ಸುವರ್ಣ ಗ್ರಾಮ ಯೋಜನೆಯಡಿ ಜಿಲ್ಲಾ ಪಂಚಾಯತ್ ರಾಜ್ ವಿಭಾಗದಿಂದ ನಿರ್ಮಿಸಲಾಗಿರುವ ಅಂಗನವಾಡಿ ಕೇಂದ್ರ ಇಲ್ಲಿವರೆಗೂ ನಮ್ಮ ಇಲಾಖೆಗೆ ಹಸ್ತಾಂತರವಾಗಿಲ್ಲ. ಹೊನ್ನವಳ್ಳಿಯಲ್ಲಿ ಒಟ್ಟು 4 ಅಂಗನವಾಡಿ ಕೇಂದ್ರಗಳು ಸ್ವಂತದ್ದಾಗಿದ್ದು, ಉಳಿದ ಒಂದು ಎಸ್ಸಿ ಕಾಲನಿಯ ಕೇಂದ್ರವನ್ನು ತಾತ್ಕಾಲಿಕವಾಗಿ ಹಳೇ ಆಸ್ಪತ್ರೆಯ ಕಟ್ಟಡದಲ್ಲಿ ನಡೆಸಲಾಗುತ್ತಿದೆ. ಮಂಜುನಾಥ ನಗರ ಬಡಾವಣೆಯಲ್ಲಿ ಅಂಗನವಾಡಿ ಕೇಂದ್ರ ಪ್ರಾರಂಭಿಸಲು ಸರ್ಕಾರಕ್ಕೆ ಪ್ರಸ್ತಾವನೆ ಕಳಿಸಿ 2 ವರ್ಷಗಳಾಗಿದೆ, ಇನ್ನೂ ಮಂಜೂರಾತಿ ದೊರೆತಿಲ್ಲ. ಬಿ.ಎನ್. ಪ್ರೇಮ, ಮೇಲ್ವಿಚಾರಕಿ, ಸಿಡಿಪಿಒ ಇಲಾಖೆ. ಹೊನ್ನವಳ್ಳಿ ವಿಭಾಗ