ಹಾವೇರಿ: ಮುದ್ರಾ ಯೋಜನೆಯಡಿ ಸಾಲ ಮಂಜೂರು ಆಗಿದ್ದು ಅದ್ನನು ಪಡೆಯಲು ನೋಂದಣಿ, ತೆರಿಗೆ ಸೇರಿ 74 ಸಾವಿರ ರೂ. ನೀಡುವಂತೆ ಹಣ ಪಡೆದುಕೊಂಡು ಮಹಿಳೆಯೊಬ್ಬರಿಗೆ ಮೋಸ ಮಾಡಿರುವ ಕುರಿತು ಇಲ್ಲಿಯ ಸೈಬರ್ ಕೆಂ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಸುಮಿತ್ರಾ ಬಸವಣ್ಣೆಪ್ಪ ಭಜಂತ್ರಿ (50) ಮೋಸ ಹೋದವರು.
ಇವರಿಗೆ ಅಲೋಕ್ ಎನ್ನುವ ವ್ಯಕ್ತಿ ಕರೆ ಮಾಡಿ ನಿಮಗೆ ಮುದ್ರಾ ಯೋಜನೆಯಡಿ ಲೋನ್ ಬಂದಿದೆ. ಅದನ್ನು ತೆಗೆದುಕೊಳ್ಳಲು ನೋಂದಣಿ, ತೆರಿಗೆ ಹಾಗೂ ಇನ್ಸೂರೆನ್ಸ್ ಫೀ ಸೇರಿ 74 ಸಾವಿರ ರೂ. ಕಟ್ಟಬೇಕು ಎಂದು ತಿಳಿಸಿದ್ದಾನೆ. ಇವರು ಹಣ ಹಾಕಿದ ಬಳಿಕ ಆತ ಫೋನ್ ಸ್ವಿಚ್ಆಫ್ ಮಾಡಿ ಹಣ ವಾಪಸ್ ಕೊಡದೆ ಮೋಸ ಮಾಡಿದ್ದಾನೆ ಎನ್ನಲಾಗಿದೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.
