ಈ ಕುರಿತು ಪ್ರಕಟಣೆ ನೀಡಿರುವ ಅವರು, ಗುರುವಾರ ತುಂಗಾ ಮೇಲ್ದಂಡೆ ಯೋಜನೆಯ ಸಹಾಯಕ ಕಾರ್ಯನಿರ್ವಾಹಕ ಇಂಜಿನಿಯರ್ ಬಾಲರಾಜ್ ಅವರೊಂದಿಗೆ ಮಾತನಾಡಿದ್ದೇನೆ. ಈಗಾಗಲೇ ತಾಲೂಕಿನ ಚಟ್ನಳ್ಳಿ ಗ್ರಾಮದ ಬಳಿ ಇರುವ ತುಂಗಭದ್ರಾ ನದಿಯಿಂದ ಉಡತಡಿ ಏತ ನೀರಾವರಿ ಯೋಜನೆಯಲ್ಲಿ ನಮ್ಮ ತಾಲೂಕಿನ ಮೂಲಕ ಶಿಕಾರಿಪುರ ತಾಲೂಕಿನ ಅನೇಕ ಗ್ರಾಮಗಳ ಕೆರೆಗಳನ್ನು ತುಂಬಿಸಲಾಗುತ್ತಿದೆ. ಆ ಭಾಗದಲ್ಲಿ ಉತ್ತಮ ಮಳೆಯಾಗುತ್ತಿದೆ. ನಮ್ಮ ಭಾಗದಲ್ಲಿ ಮಳೆ ಪ್ರಮಾಣ ಕಡಿಮೆಯಾಗಿದ್ದು, ಉಡತಡಿ ಏತ ನೀರಾವರಿ ಯೋಜನೆಯಲ್ಲಿ ತಾಲೂಕಿನ ಚನ್ನಳ್ಳಿ ಹಾಗೂ ಚಿಕ್ಕೇರೂರಿನ ಶೆಟ್ಟರ ಮತ್ತು ಮತ್ತೊಂದು ಕೆರೆ ತುಂಬಿಸಲು ಅವಕಾಶವಿದೆ. ಕೂಡಲೇ ಈ ಕೆರೆಗಳನ್ನು ತುಂಬಿಸಬೇಕು. ಒಂದು ದಿನ ನೀರು ಹರಿಸಿ ಬಂದ್ ಮಾಡಿದರೆ ಸರಿಯಲ್ಲ ಎಂದಿದ್ದಾರೆ.
