ಐಕ್ಯತೆಯ ಸಂಕೇತವಾಗಿ ಮತ್ತು ಸ್ವಾತಂತ್ರ$್ಯ ಸಂಗ್ರಾಮದ ಹೋರಾಟದ ದಿನಗಳಲ್ಲಿ ಬ್ರಿಟಿಷರ ಕಣ್ಣು ತಪ್ಪಿಸಿ, ಅವರಿಗೆ ಅನುಮಾನ ಬಾರದಂತೆ ಹೋರಾಟದ ಮುಂದಿನ ಕಾರ್ಯತಂತ್ರಗಳನ್ನು ಚಳವಳಿದಾರರಿಗೆ ತಿಳಿಸುವ ಸಲುವಾಗಿ ಸ್ವಾತಂತ್ರ$್ಯ ಪೂರ್ವದಲ್ಲಿ ಬಾಲಗಂಗಾಧರ ತಿಲಕರು ಕರೆ ನೀಡಿದ ಸಾಮೂಹಿಕ ಗಣೇಶೋತ್ಸವಕ್ಕೆ ತಿಪಟೂರಿನಲ್ಲಿ ಚಾಲನೆ ದೊರಕಿದ್ದು 1929ರಲ್ಲಿ. ಅಂದಿನ ದಿನಗಳಲ್ಲಿ ಸಂಸ್ಥಾಪಕ ದಿ.ದಾಸಪ್ಪ ಅವರು ನಗರದ ದೊಡ್ಡಪೇಟೆ ರಸ್ತೆಯ ದಿವಾನ್ ಐಯ್ಯಂಗಾರ್ ಛತ್ರದಲ್ಲಿ ಶ್ರೀ ಸತ್ಯಗಣಪತಿ ಮೂರ್ತಿಯನ್ನು ಪ್ರತಿಷ್ಠಾಪಿಸಿ 40ರಿಂದ 45 ದಿನಗಳ ಕಾಲ ನಿತ್ಯ ಭಜನೆ, ಹೋಮ, ಹರಿಕಥೆಗಳನ್ನು ಏರ್ಪಡಿಸಿ ಅಂತಿಮವಾಗಿ ನಗರದ ಅಮಾನಿಕೆರೆಯಲ್ಲಿ ವಿಸರ್ಜಿಸಲಾಗುತ್ತಿತ್ತು.
