ಪೊಲೀಸರಿಗೆ ಸವಾಲಾದ ಕೈದಿಗಳು: ತಿಪಟೂರು ತಾಲೂಕಿನಲ್ಲಿರುವ ಕಿಬ್ಬನಹಳ್ಳಿ, ಹೊನ್ನವಳ್ಳಿ, ನೊಣವಿನಕೆರೆ, ತಿಪಟೂರು ನಗರ, ಮತ್ತು ಗ್ರಾಮಾಂತರ ಸೇರಿ ತಾಲೂಕಿನ 5 ಠಾಣೆಗಳು, ಮತ್ತು ಚಿಕ್ಕನಾಯಕನಹಳ್ಳಿ, ಹಂದನಕೆರೆ ಮತ್ತು ಹುಳಿಯಾರಿನ ಮೂರು ಠಾಣೆ ಹಾಗೂ ತುರುವೇಕೆರೆ ಮತ್ತು ದಂಡಿನಶಿವರದ 2 ಠಾಣೆ ಸೇರಿ ಒಟ್ಟು 10 ಠಾಣೆಗಳ ವ್ಯಾಪ್ತಿಯ ಆರೋಪಿಗಳನ್ನು ನ್ಯಾಯಾಲಯದ ಆದೇಶದಂತೆ ಸಬ್ ಜೈಲಿನಲ್ಲಿ ಇರಿಸಲಾಗುತ್ತಿತ್ತು. ಈಗ ಇವರೆಲ್ಲರನ್ನೂ ತುಮಕೂರು ಜಿಲ್ಲಾ ಕೇಂದ್ರ ಕಾರಾಗೃಹಕ್ಕೆ ಕರೆದೊಯ್ಯುವುದು, ಮತ್ತು ವಿಚಾರಣೆ ಸಂದರ್ಭ ವಾಪಸ್ ತಿಪಟೂರಿಗೆ ಕರೆದುಕೊಂಡು ಬರುವುದು, ಮತ್ತೆ ವಾಪಸ್ ಬಿಡುವುದು ಪೊಲೀಸರಿಗೆ ಸವಾಲಿನ ಕೆಲಸವಾಗಿದೆ. ಒಂದೆಡೆ ಸಾರಿಗೆ ವ್ಯವಸ್ಥೆ, ಕರೊನಾ ಭೀತಿ ಮತ್ತು ಸರಿರಾತ್ರಿಯಲ್ಲಿ ತುಮಕೂರಿನಿಂದ 8 ಕಿ.ಮೀ ದೂರವಿರುವ ಬಂದಿಖಾನೆಗೆ ತಲುಪುವ ಸಮಸ್ಯೆ ಪೊಲೀಸರನ್ನು ಕಾಡುತ್ತಿದೆ. ಇದೇ ಕಾರಣಕ್ಕೆ ಅಪರಾಧ ಚಟುವಟಿಕೆಗಳು ಗಮನಕ್ಕೆ ಬಂದರೂ ಜೈಲು ಸಮಸ್ಯೆ ಕಾರಣ, ಪೊಲೀಸರು ತನಿಖೆಗೆ ನಿರ್ಲಕ್ಷ್ಯ ಮಾಡುವುದು ಅನಿವಾರ್ಯ ಎನ್ನಲಾಗಿದೆ.
