ರಾಣೆಬೆನ್ನೂರ: ಟಿಪ್ಪರ್ ಲಾರಿ ಹರಿದು ಸ್ಕೂಟರ್ ಚಾಲಕರೊಬ್ಬರು ಸ್ಥಳದಲ್ಲಿಯೆ ಮೃತಪಟ್ಟ ಟನೆ ಇಲ್ಲಿಯ ಪಂಚಮುಖಿ ದೇವಸ್ಥಾನದ ಕ್ರಾಸ್ ಬಳಿ ಹಳೆ ಪಿ.ಬಿ. ರಸ್ತೆಯಲ್ಲಿ ಶುಕ್ರವಾರ ನಡೆದಿದೆ.
ಇಲ್ಲಿಯ ಸಿದ್ಧಾರೂಢಮಠ ನಗರದ ನಾಗರಾಜ ಮುಧೋಳಮಠ (65) ಮೃತ ದುರ್ದೈವಿ.
ಇವರು ಬಸ್ ನಿಲ್ದಾಣದ ಕಡೆಯಿಂದ ಸಿದ್ಧಾರೂಢ ನಗರದ ಕಡೆಗೆ ತೆರಳುತ್ತಿದ್ದರು. ಈ ಸಮಯದಲ್ಲಿ ರಸ್ತೆ ಕ್ರಾಸ್ ಮಾಡುತ್ತಿದ್ದಾಗ ಟಿಪ್ಪರ್ ಡಿಕ್ಕಿ ಹೊಡೆದಿದೆ. ಇದರಿಂದ ಟಿಪ್ಪರ್ನ ಹಿಂದಿನ ಚಕ್ರಕ್ಕೆ ಸಿಲುಕಿದ ನಾಗರಾಜ ಅವರ ದೇಹ ಸಂರ್ಪೂಣ ಛಿದ್ರವಾಗಿ ಹೋಗಿದೆ. ಟನಾ ಸ್ಥಳಕ್ಕೆ ಡಿವೈಎಸ್ಪಿ ಡಾ. ಗಿರೀಶ ಭೋಜಣ್ಣನವರ, ಸಿಪಿಐ ಡಾ. ಶಂಕರ ಹಾಗೂ ಸಂಚಾರ ಠಾಣೆ ಪೊಲೀಸರು ಭೇಟಿ ನೀಡಿ ಪರಿಶೀಲಿಸಿದರು. ಈ ಕುರಿತು ಸಂಚಾರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
