ಲಾಕ್ಡೌನ್ ಸಂದರ್ಭ ಪೂಜೆ ನೆರವೇರಿಸಲು ಅನುಮತಿ ನೀಡಿದ್ದು ಯಾರು? ಪೂಜೆ ನೆರವೇರಿಸದೆ ಇದ್ದರೆ ನೀರು ಮರಳಿ ಹೋಗುತ್ತಿತ್ತಾ? ಎಂಬ ಪ್ರಶ್ನೆ ಶಾಸಕ ಯಶವಂತರಾಯಗೌಡರದ್ದು. ಇದೀಗ ಮಾಜಿ ಶಾಸಕ ಡಾ. ಸಾರ್ವಭೌಮ ಬಗಲಿ ‘ಗಂಗಾಪೂಜೆ ನಮ್ಮ ಸಂಸ್ಕೃತಿ’ ಎಂದಿದ್ದಾರಲ್ಲದೆ, ಶಾಸಕ ಯಶವಂತರಾಯಗೌಡ ಪಾಟೀಲರು ಪ್ರವಾಸಿ ಮಂದಿರದಲ್ಲಿ ಸುದ್ದಿಗೋಷ್ಠಿ ನಡೆಸಲು ಪರವಾನಗಿ ಪಡೆದಿದ್ದರಾ? ಎಂದು ಸವಾಲು ಹಾಕಿದ್ದಾರೆ. ಹಾಗೆ ನೋಡಿದರೆ ಖಾಸಗಿ ಹೋಟೆಲ್ ಸಹಿತ ಎಲ್ಲೂ ಜನ ಸೇರಬಾರದೆಂದು ಲಾಕ್ಡೌನ್ ನಿಯಮ. ಹಾಗಿದ್ದೂ ಮಾಜಿ ಶಾಸಕ ಡಾ.ಸಾರ್ವಭೌಮ ಬಗಲಿ ಕೂಡ ಸುದ್ದಿಗೋಷ್ಠಿ ನಡೆಸಲು ಅನುಮತಿ ಪಡೆಯಬೇಕಿತ್ತು ಎಂಬ ಚರ್ಚೆ ಮುನ್ನೆಲೆಗೆ ಬಂದಿದೆ.
ಒಟ್ಟಿನಲ್ಲಿ ಜಿಲ್ಲೆಯಲ್ಲಿ ನೀರ ರಾಜಕಾರಣ ಮುಂದುವರಿದಿದ್ದು, ಜನಪ್ರತಿನಿಧಿಗಳು ‘ಲಾಕ್ಡೌನ್’ನಂಥ ಸಂದಿಗ್ಧ ಪರಿಸ್ಥಿತಿಯಲ್ಲೂ ಪೈಪೋಟಿಗಿಳಿದವರಂತೆ ಪೂಜೆ, ಪುನಸ್ಕಾರ ನಡೆಸಿದ್ದರಿಂದ ಅಧಿಕಾರಿಗಳ ಬುಡಕ್ಕೆ ನೀರು ಬರುತ್ತಿದೆ.
