ಇನ್ನು ಶ್ರೀರಂಗಪಟ್ಟಣ, ಪಶ್ಚಿಮವಾಹಿನಿ ಹಾಗೂ ಗಂಜಾಂನ ಪ್ರದೇಶಗಳ ನದಿ ತೀರಗಳಲ್ಲಿ ಎಲ್ಲೆಂದರಲ್ಲಿ ವ್ಯಾಪಕವಾಗಿ ತಲೆ ಎತ್ತಿರುವ ಧಾರ್ಮಿಕ ಕ್ರಿಯೆ ಅಕ್ರಮ ಅಡ್ಡೆಗಳಿಂದ ಅಸ್ಥಿ, ಪ್ಲಾಸ್ಟಿಕ್ ತ್ಯಾಜ್ಯ ಹಾಗೂ ಬಟ್ಟೆಗಳ ವಿಸರ್ಜನೆಯಿಂದ ಕಾವೇರಿ ಮಾಲಿನ್ಯಗೊಳ್ಳುತ್ತಿದೆ. ಜತೆಗೆ ಇಲ್ಲಿಗೆ ಬರುವ ಜನರಿಂದ ಹೆಚ್ಚುವರಿ ಹಣ ಸುಲಿಗೆಯಂತಹ ಸಾಕಷ್ಟು ದೂರುಗಳು ಕೇಳಿಬಂದಿವೆ. ಇಲ್ಲಿನ ನದಿಯಲ್ಲಿ ಜನರು ಮುಳುಗಿ ಸಾಯುವ ಪ್ರಕರಣಗಳಿಗೆ ಕಡಿವಾಣ ಹಾಕಲು ಈ ನಿರ್ಧಾರ ಕೈಗೊಳ್ಳಲಾಗಿದೆ. ಹೀಗಾಗಿ, ಗೋಸಾಯ್ ಘಾಟ್, ನಿಮಿಷಾಂಬ ದೇಗುಲ ಸೇರಿದಂತೆ ಸುತ್ತಮುತ್ತಲ ಕೃಷಿಭೂಮಿಗಳಲ್ಲಿನ ಅಕ್ರಮ ಅಡ್ಡೆಗಳಿಗೆ ನಿಷೇಧ ಹೇರಲಿದ್ದು, ಪಟ್ಟಣ ಪುರಸಭೆಯಿಂದ ಇನ್ಮುಂದೆ ಶ್ರೀರಂಗಪಟ್ಟಣದ ಸ್ನಾನಘಟ್ಟ, ಗಂಜಾಂನ ತ್ರಿವೇಣಿ ಸಂಗಮ ಹಾಗೂ ಪಶ್ಚಿಮವಾಹಿನಿಯಲ್ಲಿ ಮಾತ್ರ ಧಾರ್ಮಿಕ ಅಪರ ಕ್ರಿಯೆಗಳಿಗೆ ಅವಕಾಶ ನೀಡಲು ತೀರ್ಮಾನಿಸಿ ಕಾನೂನಾತ್ಮಕವಾಗಿ ಟೆಂಡರ್ ಪ್ರಕ್ರಿಯೆ ಆರಂಭಿಸುವ ಜತೆಗೆ ತ್ಯಾಜ್ಯ ವೈಜ್ಞಾನಿಕ ವಿಲೇವಾರಿಗೆ ಪುರಸಭಾ ಆಡಳಿತ ಮುಂದಾಗಲಿದೆ. ಪ್ರಮುಖವಾಗಿ ಈ ಸ್ಥಳಗಳಲ್ಲಿ ಪೂಜಾ ಕೈಂಕರ್ಯ ನಡೆಸುವ ವೈದಿಕರು ಆಧಿಕೃತ ಪರವಾನಗಿ ಪಡೆದು ಕಡ್ಡಾಯವಾಗಿ ಗುರುತಿನ ಕಾರ್ಡ್ ಧರಿಸಿ ಕಾರ್ಯ ನಿರ್ವಹಿಸಲು ಕ್ರಮ ಕೈಗೊಳ್ಳಲು ಡಿಪಿಆರ್ ಸಿದ್ಧಪಡಿಸಿ ನ್ಯಾಯಾಲಯಕ್ಕೆ ಕಳುಹಿಸಲಾಗುತ್ತದೆ ಎಂದರು.
