ಕಳೆದ ಬಾರಿ ನಂಜುಂಡಪ್ಪ ವರದಿಯನ್ನು ಮೀರಿ ಐಐಟಿ ಧಾರವಾಡಕ್ಕೆ ಸ್ಥಳಾಂತರಿಸುವಾಗ ಯಾವ ತಜ್ಞರ ವರದಿ ಇತ್ತು ಎಂದು ಉತ್ತರಿಸಬೇಕು. ಏಮ್ಸ್ ಹೋರಾಟಗಾರರ ಮೇಲೆ ಹಾಕಿರುವ ಕೇಸ್ಗಳನ್ನು ಕೂಡಲೇ ಹಿಂಪಡೆಯಬೇಕು. ಏಮ್ಸ್ ಹೋರಾಟ 3 ವರ್ಷಗಳಿಂದ ನಡೆಯುತ್ತಿದೆ. ಸರ್ಕಾರಿ ಜಾಗದಲ್ಲಿ ಇಷ್ಟು ದಿನ ನಡೆಸುವುದಕ್ಕೆ ಪರವಾನಿಗೆ ಏಕೆ ಕೊಟ್ರಿ. ಆದಷ್ಟು ಬೇಗ ಏಮ್ಸ್ ಟೆಂಟನ್ನು ಕಿತ್ತುಗೆಯಬೇಕೆಂದು ನಗರ ಶಾಸಕರು ಜಿಲ್ಲಾಧಿಕಾರಿಗೆ ಒತ್ತಾಯ ಮಾಡಿದ್ದಾರೆ.
ಹೋರಾಟಗಳು ಸರ್ಕಾರಿ ಸ್ಥಳಗಳಲ್ಲಿ ನಡೆಯುತ್ತವೆ ಹೊರತು ಖಾಸಗಿ ಸ್ಥಳಗಳಲ್ಲಿ ನಡೆಯಲು ಸಾಧ್ಯವಿಲ್ಲ. ಏಮ್ಸ್ ಹೋರಾಟ 3 ವರ್ಷಗಳಿಂದ ಸುದೀರ್ಘವಾಗಿ ನಡೆಯುತ್ತಿದೆ.ನಗರ ಶಾಸಕ ಡಾ. ಶಿವರಾಜ್ ಪಾಟೀಲ್ರು ತಮ್ಮ ಪಕ್ಷದ ನಿಯೋಗ ದೆಹಲಿಗೆ ತೆರಳಿ ರಾಯಚೂರಿಗೆ ಏಮ್ಸ್ ಘೋಷಣೆ ಮಾಡುವಂತೆ ಕೇಂದ್ರ ಸರ್ಕಾರವನ್ನು ಒತ್ತಾಯಿಸಬೇಕಿತ್ತು ಆದರೆ ಮಾಡಿಲ್ಲ. ಆದರಿಂದ ಏಮ್ಸ್ ಹೋರಾಟಕ್ಕೆ ನಮ್ಮ ಪಕ್ಷ ಬೆಂಬಲಿಸುತ್ತಿದೆ ಮುಂದೆಯು ಏಮ್ಸ್ ಹೋರಾಟ ಹೋರಾಟಗಾರರ ಪರವಾಗಿ ನಿಲ್ಲುತ್ತದೆ ಎಂದರು.
