ಅಖಂಡ ಹೀಗೆಯೇ ರಾಜಕೀಯದಲ್ಲಿ ಮುಂದುವರಿದರೆ ತಾವು ಕ್ಷೇತ್ರದಲ್ಲಿ ಬೆಳೆಯಲು ಸಾಧ್ಯವಿಲ್ಲ ಎಂದು ಅರಿತ ಕೆಲವು ಸ್ಥಳೀಯ ರಾಜಕಾರಣಿಗಳು ಗಲಭೆಗೆ ಕುಮ್ಮಕ್ಕು ನೀಡಿದ್ದಾರೆ. ಗಲಭೆಯ ಸ್ಥಳದಿಂದ ಅನತಿ ದೂರದಲ್ಲೇ ಮೊಕ್ಕಾಂ ಹಾಕಿ, ಹಿಂಸಾಚಾರ ಭುಗಿಲೇಳುವಂತೆ ಮಾಡಿದ್ದಾರೆ. ಅದಕ್ಕೆ ಬೇಕಾದ ಹಣಕಾಸಿನ ನೆರವನ್ನೂ ನೀಡಿದ್ದಾರೆ ಎಂಬುದರ ಕುರಿತು ಸಿಸಿಬಿ ಪೊಲೀಸರು ನ್ಯಾಯಾಲಯಕ್ಕೆ ಸಲ್ಲಿಸಿದ ಮಧ್ಯಂತರ ದೋಷಾರೋಪ ಪಟ್ಟಿಯಲ್ಲಿ ಕೆಲವು ರಹಸ್ಯಗಳನ್ನು ಉಲ್ಲೇಖಿಸಿದ್ದಾರೆ ಎನ್ನಲಾಗಿದೆ. ಇಡೀ ಗಲಭೆಯ ಹಿಂದೆ ಮಾಜಿ ಮೇಯರ್ ಸಂಪತ್ ರಾಜ್, ಇವರ ಆಪ್ತ ಅರುಣ್ ರಾಜ್, ಕಾರ್ಪೊರೇಟರ್ ಅಬ್ದುಲ್ ರಕೀಮ್ ಜಾಕೀರ್, ಎಸ್ಡಿಪಿಐನ ಮುಖಂಡ ಮುಜಾಮಿಲ್ ಇವರ ಹೆಸರು ತಳುಕು ಹಾಕಿಕೊಂಡಿವೆ.
