ಸಾರ್ವಜನಿಕರಿಗಿಲ್ಲ ಶೌಚಗೃಹದ ವ್ಯವಸ್ಥೆ

ಅಂಕೋಲಾ: ಸರ್ಕಾರದ ಗ್ಯಾರಂಟಿಗಳಿಗಾಗಿ ಇಲ್ಲಿನ ತಹಸೀಲ್ದಾರ್ ಕಚೇರಿಗೆ ಬರುವವರ ಸಂಖ್ಯೆ ಹೆಚ್ಚಿದೆ. ಆದರೆ ಬಂದವರಿಗೆ ಶೌಚಗೃಹದ ವ್ಯವಸ್ಥೆ ಕಲ್ಪಿಸುವಲ್ಲಿ ತಾಲೂಕಾಡಳಿತ ನಿರ್ಲಕ್ಷ್ಯ ವಹಿಸಿರುವುದು ಜನರ ಆಕ್ರೋಶಕ್ಕೆ ಕಾರಣವಾಗಿದೆ.

ಒಂದೆಡೆ ತೀವ್ರವಾದ ಮಳೆ ಇನ್ನೊಂದೆಡೆ ಸರ್ಕಾರದ ಗ್ಯಾರಂಟಿಗಳಿಗೆ ಬೇಕಾಗಿ ದಾಖಲಾತಿ ತಿದ್ದುಪಡಿಗೆ ಸರತಿ ಸಾಲು ಈ ನಡುವೆ ಪ್ರಕೃತಿ ಕರೆಬಂತೆಂದರೆ ಅದಕ್ಕಾಗಿ ಅಲೆದಾಡುವ ಸ್ಥಿತಿ ತಹಸೀಲ್ದಾರ್ ಕಚೇರಿಯಲ್ಲಿದೆ.

ಸಮಸ್ಯೆ ಏನು?: ಕಚೇರಿಯ ಆವರಣದ ಹಿಂಬದಿಯಲ್ಲಿರುವ ಮೂರು ಶೌಚಗೃಹ ಮತ್ತು ಕಚೇರಿಯ ಪಡಸಾಲೆಯ ಒಳದಾರಿಗೆ ಹೊಂದಿಕೊಂಡಿರುವ ‘ತಹಸೀಲ್ದಾರ ಕಚೇರಿಯ ಸಿಬ್ಬಂದಿಗೆ ಮಾತ್ರ’ ಎನ್ನುವ ಶೌಚಾಲಯ ನಿರ್ವಹಣೆ ಇಲ್ಲದೇ ಬಾಗಿಲು ಮುಚ್ಚಿದೆ. ಇದರಿಂದ ಸಾರ್ವಜನಿಕರು ಪರದಾಡುವಂತಾಗಿದೆ.