ಮಾಗಡಿ : ಸೋಲೂರು ಹೋಬಳಿಗೂ ಮಾಗಡಿ ತಾಲೂಕಿಗೂ ಮೊದಲಿನಿಂದಲ್ಲೂ ಭಾವನಾತ್ಮಕ ಸಂಬಂಧವಿದೆ. ಮಾಗಡಿ ತಾಲೂಕಿನಲ್ಲೇ ಸೋಲೂರು ಹೋಬಳಿ ಉಳಿಸುವುದು ಒಳ್ಳೆಯದು ಎಂದು ಶಾಸಕ ಎಚ್.ಸಿ.ಬಾಲಕೃಷ್ಣ ಹೇಳಿದರು.
ಪಟ್ಟಣದ ಎನ್ಇಎಸ್ ವೃತ್ತದ ಬಳಿ ಕಾಮಗಾರಿ ವೀಕ್ಷಿಸಿ ಮಾತನಾಡಿದ ಅವರು, ಆಡಳಿತಾತ್ಮಕ ದೃಷ್ಟಿಯಿಂದ ಸೋಲೂರು ಹೋಬಳಿಯನ್ನು ನೆಲಮಂಗಲಕ್ಕೆ ಬದಲಾವಣೆ ಕೇಳುತ್ತಿದ್ದಾರೆ, ಆಡಳಿತಾತ್ಮಕ ದೃಷ್ಟಿಯಿಂದ ಬದಲಾವಣೆಯಾಗಿ ಮುಂದೆ ಮಾಗಡಿ ವಿಧಾನಸಭಾ ಕ್ಷೇತ್ರಕ್ಕೆ ಸೇರಲಿದೆ. ನಾವೆಲ್ಲ ಅಣ್ಣ ತಮ್ಮಂದಿರು. ಒಟ್ಟಾಗಿ ಇರೋಣ ಮುಂದೆ ಸರಿಪಡಿಸುವ ಕೆಲಸ ಮಾಡಲಾಗುತ್ತದೆ. ಹಳೆಯ ಸಂಬಂಧವನ್ನು ನಾವೆಲ್ಲರೂ ಉಳಿಸಿಕೊಳ್ಳೋಣ ಎಂದರು.
ಯಾರೋ ಬಂದು ಸೋಲೂರು ಹೋಬಳಿಯನ್ನು ಬೇರ್ಪಡಿಸುವ ಕೆಲಸ ಮಾಡುತ್ತಿದ್ದಾರೆ. ಅದಕ್ಕೆ ಅವಕಾಶ ಮಾಡಿಕೊಡಬೇಡಿ. ಸೋಲೂರನ್ನು ಮಾಗಡಿ ತಾಲೂಕಿನಿಂದ ಬೇರ್ಪಡಿಸಬೇಡಿ ಎಂದು ಸಿಎಂಗೆ ಮನವಿ ನೀಡಲಾಗಿದೆ. ಮುಂದೆ ಕ್ಷೇತ್ರ ಮರುವಿಂಗಡಣೆ ವೇಳೆ ಸೋಲೂರು ಮಾಗಡಿ ಕ್ಷೇತ್ರಕ್ಕೆ ಸೇರಲಿದೆ. ನಮ್ಮ ಜಿಲ್ಲೆಗೆ ಸೇರಲಿದೆ. ಅವೈಜ್ಞಾನಿಕ ಕ್ಷೇತ್ರ ಮರುವಿಂಗಡಣೆ, ಜಿಲ್ಲೆಯಿಂದಾಗಿ ವ್ಯತ್ಯಾಸವಾಗಿದೆ. ಸಹಕಾರಿ ಕ್ಷೇತ್ರ ಸೇರಿ ಎಲ್ಲ ವಿಚಾರದಲ್ಲೂ ಅವರಿಗೆ ಗೌರವ ಬರುವ ರೀತಿ ನಡೆದುಕೊಂಡಿದ್ದೇವೆ ಎಂದರು.
ಪುರಸಭಾಧ್ಯಕ್ಷೆ ರಮ್ಯಾ ನರಸಿಂಹಮೂರ್ತಿ, ಉಪಾಧ್ಯಕ್ಷ ರಿಯಾಜ್, ಸದಸ್ಯರಾದ ಎಚ್.ಜೆ.ಪುರುಷೋತ್ತಮ್, ಶಿವಕುಮಾರು, ರಂಗಹನುಮಯ್ಯ, ಆನಂದ್, ರಘು, ಬಿಎಂಆರ್ಡಿಎ ಮಾಜಿ ಅಧ್ಯಕ್ಷ ಕೆ.ಕೃಷ್ಣಮೂರ್ತಿ, ಬಿಎಂಆರ್ಡಿಎ ನಿರ್ದೇಶಕ ತೇಜಮೂರ್ತಿ, ಕೆಂಪೇಗೌಡ, ಶೈಲಜಾ, ಎಂಆರ್.ಮಂಜುನಾಥ್, ಕೇಬಲ್ ಮಂಜುನಾಥ್ ಇದ್ದರು.
