ಅಕ್ಷರದ ವಾರಸುದಾರರು ದೇವರನ್ನು ಆಳುತ್ತಾರೆ. ಹೀಗಾಗಿ ಸಮಾಜದ ಬಾಂಧವರು ವಿದ್ಯೆಗೆ ಮಹತ್ವ ನೀಡಬೇಕು. ಭಕ್ತರ ಮನೆಗೆ ಪ್ರಸಾದಕ್ಕೆ ಹೋದಾಗ ರೊಟ್ಟಿ ನೀಡುತ್ತಿದ್ದರು. ಇದೀಗ ಸಿಹಿ ಊಟ ಉಣಬಡಿಸುತ್ತಾರೆ. ಇದಕ್ಕೆ ಕಾರಣ ಸ್ತ್ರೀ ಶಕ್ತಿ ಯೋಜನೆ ಮೂಲಕ 2 ಸಾವಿರ ರೂ. ಸರ್ಕಾರ ನೀಡುತ್ತಿರುವುದರಿಂದ ಬಡವರ ಮನೆಗಳಲ್ಲಿ ಉಲ್ಲಾಸ ತುಂಬಿದೆ. ಕನ್ನಡಿಗರ ಯೋಜನೆಗಳು ಇದೀಗ ಪಂಚರಾಜ್ಯಗಳ ಚುನಾವಣೆಯಲ್ಲಿ ಪ್ರಣಾಳಿಕೆಗಳಾಗಿ ಚರ್ಚೆಯಲ್ಲಿರುವುದು ಸಂತಸ ತಂದಿದೆ.
ಇಮ್ಮಡಿ ಸಿದ್ಧರಾಮೇಶ್ವರ ಸ್ವಾಮೀಜಿ, ಭೋವಿ ಗುರುಪೀಠ ಬಾಗಲಕೋಟೆ
ದೇಶದಲ್ಲಿ ಪ್ರಧಾನಮಂತ್ರಿ ನರೇಂದ್ರ ಮೋದಿ, ರಾಜ್ಯದಲ್ಲಿ ಸಿಎಂ ಸಿದ್ದರಾಮಯ್ಯ ಇಬ್ಬರು ಹಿಂದುಳಿದ ವರ್ಗ, ದಲಿತರಿಗೆ ನ್ಯಾಯ ಕೊಡಿಸುತ್ತಿದ್ದಾರೆ. ಸದಾ ರಕ್ಷಣೆಗೆ ಬರುತ್ತಾರೆ. ಕಾಳಜಿ ಹೊಂದಿರುವ ಇಬ್ಬರು ನಾಯಕರ ಕೊಡುಗೆ ಅಪಾರವಾಗಿದೆ. ನವನಗರದಲ್ಲಿ ಈಗಾಗಲೇ ಭೋವಿ ಸಮಾಜಕ್ಕೆ ಜಾಗ ನೀಡಲಾಗಿದೆ. ಸಮಾಜದ ಮಕ್ಕಳ ಓದುವುದಕ್ಕೆ ವಸತಿ ನಿಲಯ, ಶಾಲೆ ಸ್ಥಾಪಿಸಲು ಪಕ್ಕದಲ್ಲಿರುವ ಬಿಟಿಡಿಎ ಜಾಗ ನೀಡಬೇಕು. ಬೆಂಗಳೂರಿನಲ್ಲಿ ಮಠಕ್ಕೆ ಸರ್ಕಾರದಿಂದ ಜಾಗ ಮಂಜೂರು ಮಾಡಬೇಕು. ಸದಾಶಿವ ಆಯೋಗದ ವರದಿ ಈ ಹಿಂದೆ ತಿರಸ್ಕಾರ ಮಾಡಲಾಗಿದೆ. ಈಗ ಮತ್ತೆ ಚಲಾವಣೆಗೆ ಬಂದಲ್ಲಿ ವರದಿ ತಳ್ಳಿ ಹಾಕುವ ಭರವಸೆ ಇದೆ.
ಅರವಿಂದ ಲಿಂಬಾವಳಿ, ಮಾಜಿ ಸಚಿವ
ಹಿಂದುಳಿದ ಸಮಾಜದ ಬಗ್ಗೆ ಸಿದ್ದರಾಮಯ್ಯ ಕಾಳಜಿ ವಹಿಸುತ್ತಾರೆ. ನಾನು ವಿರೋಧ ಪಕ್ಷದಲ್ಲಿ ಇದ್ದರೂ ನನ್ನ ಕ್ಷೇತ್ರಕ್ಕೆ ಸಾಕಷ್ಟು ಅನುದಾನ ಕೊಟ್ಟಿದ್ದಾರೆ. ಕಾಯಕ ಜೀವಿ ಸಮಾಜವಾಗಿರುವ ಭೋವಿ ಸಮಾಜದ ಬಗ್ಗೆ ಕಳಕಳಿ ಹೊಂದಿದ್ದಾರೆ. ಸಿದ್ದರಾಮಯ್ಯ ಅವಧಿಯಲ್ಲಿ ಉತ್ತಮ ಕಾರ್ಯಕ್ರಮಗಳು ಜಾರಿಗೊಂಡಿವೆ.
ಮಾನಪ್ಪ ವಜ್ಜಲ ಲಿಂಗಸುಗೂರು ಬಿಜೆಪಿ ಶಾಸಕ
