ಮಾದಕ ವಸ್ತುಗಳ ಅಕ್ರಮ ಸಾಗಾಟ ಮತ್ತು ಸೇವನೆಗೆ ಸಂಬಂಧಿಸಿದಂತೆ ಕೊಡಗಿನಲ್ಲಿ ೨೦೨೨ರಲ್ಲಿ ೨೧ ಪ್ರಕರಣಗಳು ದಾಖಲಾಗಿವೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ೪,೩೬,೭೦೦ ರೂ. ಮೌಲ್ಯದ ೨೪.೦೨೬ ಕೆಜಿ ಒಣ ಗಾಂಜಾ, ೩೮,೫೦೦ ರೂ. ಮೌಲ್ಯದ ೧೫.೫೦ ಗ್ರಾಂ ಎಂಡಿಎಂಎ ಹರಳು ಹಾಗೂ ೧೧ ಲಕ್ಷ ರೂ. ಮೌಲ್ಯದ ೧ ಕೆಜಿ ೧೬೦ ಗ್ರಾಂ ಹ್ಯಾಶ್ ಆಯಿಲ್ ವಶಪಡಿಸಿಕೊಳ್ಳಲಾಗಿತ್ತು. ೨೦೨೩ರಲ್ಲಿ ಒಟ್ಟು ೧೦೧ ಪ್ರಕರಣಗಳು ದಾಖಲಾಗಿವೆ. ೧೯,೩೭,೮೦೦ ರೂ. ಮೌಲ್ಯದ ೮೯.೨೧೭ ಕೆಜಿ ಗಾಂಜಾ, ೫.೧೦ ಲಕ್ಷ ರೂ. ಮೌಲ್ಯದ ೧೫೪.೨೬ ಗ್ರಾಂ ಎಂಡಿಎಂಎ, ೨೭ ಸಾವಿರ ರೂ. ಮೌಲ್ಯದ ಎಲ್ಎಸ್ಡಿ ಹಾಗೂ ೩೦ ಸಾವಿರ ರೂ. ಮೌಲ್ಯದ ೩.೪೫ ಗ್ರಾಂ ಕೊಕೇನ್ ಪುಡಿ ವಶಪಡಿಸಿಕೊಳ್ಳಲಾಗಿದೆ. ಈ ವರ್ಷ ಜ. ಅಂತ್ಯದ ತನಕ ೧೭ ಸಾವಿರ ರೂ. ಮೌಲ್ಯದ ೩೬೫ ಗ್ರಾಂ ಮಾದಕ ವಸ್ತು ಪೊಲೀಸರಿಗೆ ಸಿಕ್ಕಿದೆ.
