ಮಾನವನ ಅಭ್ಯುದಯದ ಹಾದಿಯಲ್ಲಿ ಭಾಷೆ ಎನ್ನುವುದು ಪ್ರಧಾನ ಸಂವಹನ ಸಾಧನವಾಗುವ ಜತೆಗೆ ವಿವಿಧ ನಾಗರಿಕತೆಗಳ ಸಮನ್ವಯ, ಸಮ್ಮಿಲನ ಹಾಗೂ ಸಂಘರ್ಷಕ್ಕೂ ಕಾರಣವಾಗಿರುವುದನ್ನು ನೋಡಿದ್ದೇವೆ. ಭೌಗೋಳಿಕ ರಾಷ್ಟ್ರಗಳ ಪರಿಕಲ್ಪನೆ, ಆಧುನಿಕ ನಾಗರಿಕತೆ ಆವರಿಸಿಕೊಂಡಂತೆ, ಜನಾಂಗಗಳ ಹಾಗೂ ಜನಾಂಗಿಯ ಭಾಷೆಗಳು ಕೂಡ ತಮ್ಮದೆ ಆದ ಅಸ್ತಿತ್ವ ಗಳಿಸಿವೆ. ಕ್ರಮೇಣ ಅವು ಪ್ರಭುತ್ವದ ಭಾಷೆಯಾಗಿ ಬೆಳೆದಿವೆ ಎಂದರು.
ಭಾರತದಂತಹ ಒಕ್ಕೂಟದ ದೇಶಗಳಲ್ಲಿ ಸಾಂಸ್ಕೃತಿಕ ವೈವಿಧ್ಯತೆಗಳ ಜತೆಗೆ ಭಾಷಾ ವೈವಿಧ್ಯತೆಯೂ ಇದೆ. ಆದ್ದರಿಂದ ಇಲ್ಲಿ ಭಾಷೆ ಕೇವಲ ಸಂವಹನ ಸಾಧನವಾಗಿ ಉಳಿಯುವುದಿಲ್ಲ. ಬದಲಾಗಿ ಪ್ರಾದೇಶಿಕ, ಭೌಗೋಳಿಕ, ಸಾಂಸ್ಕೃತಿಕ ಹಾಗೂ ಐತಿಹಾಸಿ ನೆಲೆಗಳಲ್ಲಿ ಜನ ಜೀವನದ ಜತೆ ತನ್ನ ಪ್ರಭಾವವನ್ನು ಬೀರುತ್ತದೆ ಎಂದರು. ಹಿರಿಯ ಹೋರಾಟಗಾರರಾದ ತಾಯೂರು ವಿಠ್ಠಲಮೂರ್ತಿ, ಮೂಗೂರು ನಂಜುಂಡಸ್ವಾಮಿ, ಬಿ.ಎ.ಶಿವಶಂಕರ್, ಪ್ರಾಧ್ಯಾಪಕ ಡಾ.ಮುಳ್ಳೂರು ನಂಜುಂಡಸ್ವಾಮಿ, ಅರವಿಂದ ಶರ್ಮಾ, ಪರಿಸರವಾದಿ ಭಾನು ಮೋಹನ್ ಇತರರಿದ್ದರು. ಬಳಿಕ ಜಿಲ್ಲಾ ಸಾಹಿತ್ಯ ಪರಿಷತ್ ಮಾಜಿ ಅಧ್ಯಕ್ಷ ಡಾ.ವೈ.ಡಿ.ರಾಜಣ್ಣ ಅಧ್ಯಕ್ಷತೆಯಲ್ಲಿ ಕವಿಗೋಷ್ಠಿ ನಡೆಯಿತು. ಹತ್ತಾರು ಕವಿಗಳು ತಮ್ಮ ಕವನ ವಾಚನ ಮಾಡಿದರು.
