ಬಂಗಾರಪೇಟೆಯಲ್ಲಿ ಭಾರಿ ಸದ್ದು!

ಬಂಗಾರಪೇಟೆ : ದೇಶದಲ್ಲಿ ಪ್ರಸ್ತುತ ಆಪರೇಷನ್​ ಸಿಂಧೂರ, ಮಾಕ್​ಡ್ರಿಲ್​ ಇತ್ಯಾದಿ ಯುದ್ಧದ ಕಾಮೋರ್ಡ ಕವಿದಿರುವ ಮಧ್ಯೆ ಪಟ್ಟಣದಲ್ಲಿ ಕೇಳಿಬಂದ ದೊಡ್ಡ ಸದ್ದು ಆತಂಕ ಸೃಷ್ಟಿಸಿದೆ.

ಗುರುವಾರ ಬೆಳಗ್ಗೆ 10.47ರ ಸುಮಾರಿಗೆ ಬಂಗಾರಪೇಟೆ ಪಟ್ಟಣದಾದ್ಯಂತ "ಢಂ' ಎಂದು ಜೋರಾದ ಶಬ್ದ ಇದ್ದಕ್ಕಿದ್ದಂತೆ ಕೇಳಿಬಂದಿದ್ದು ಜನ ಕ್ಷಣಕಾಲ ಭಯಭೀತರಾದರು.ಸುಮಾರು 20 ಕಿಮೀ ದೂರ ಈ ಸದ್ದು ಕೇಳಿಸಿದೆ. ಟ್ರಾನ್ಸ್​ ಫಾರ್ಮರ್​, ಗ್ಯಾಸ್​ ಸಿಲಿಂಡರ್​ ಅಥವಾ ಇನ್ನಾವುದೋ ಸ್ಪೋಟಿಸಿದಂತೆ ಶಬ್ದ ಕೇಳಿಬಂತು. ಆದರೆ ಯಾವುದೇ ಅವಡ ಸಂಭವಿಸದಿದ್ದರೂ ಶಬ್ದ ಎಲ್ಲಿಂದ ಬಂತು ಎನ್ನುವ ಪ್ರಶ್ನೆಗೆ ಇನ್ನೂ ಉತ್ತರ ಸಿಕ್ಕಿಲ್ಲ. ಈ ಬಗ್ಗೆ ತಿಳಿಯಲು ಜನತೆ ಮತ್ತು ಅಧಿಕಾರಿಗಳು ಪರಿಶೀಲನೆ ನಡೆಸಿದರೂ ರಹಸ್ಯ ಪತ್ತೆಯಾಗಲಿಲ್ಲ.

ಇತ್ತ ಬೆಸ್ಕಾಂನಲ್ಲಿ ಕೇಳಿದರೆ ಎಲ್ಲೂ ಟ್ರಾನ್ಸ್​ಫಾಮ್​ರ್ ಬ್ಲ್ಯಾಸ್ಟ್​ ಆಗಿಲ್ಲ ಎಂದಿದ್ದರೆ ಪೊಲೀಸ್​ ಇಲಾಖೆಯವರು ಯಾವುದೇ ಅಹಿತಕರ ಘಟನೆ ನಡೆದಿಲ್ಲ ಎಂದು ತಿಳಿಸಿದ್ದಾರೆ. ಬಹುಶಃ ಭೂಮಿಯ ಒಳಗಡೆ ಅಥವಾ ಆಕಾಶದಲ್ಲಿ ಸಂಭವಿಸಿರುವ ಸದ್ದು ಇದಾಗಿರಬಹುದು ಎಂದು ಅಂದಾಜಿಸಲಾಗುತ್ತಿದೆ.