ಕಾರವಾರ: ಸಾಕಷ್ಟು ಭದ್ರತೆ ಇರುವ ಕೈಗಾ ಅಣು ಸ್ಥಾವರದ ವಸತಿ ಸಮುಚ್ಛಯದಲ್ಲಿಯೇ ಮನೆ ಕಳ್ಳತನವಾಗಿದೆ. ಕೈಗಾ ಉದ್ಯೋಗಿ ವಿ.ಗಣೇಶ ವೆಂಕಟಸುಬ್ಬಯ್ಯನ್ ಅವರಿಗೆ ಎನ್ಪಿಸಿಐಎಲ್ನಿಂದ ನೀಡಿದ ಕ್ವಾಟ್ರಸ್ನಲ್ಲಿ ಏ.20 ರಿಂದ 27 ರ ನಡುವೆ ನಗ, ನಗದು ಕಳ್ಳತನವಾಗಿದೆ. ಅವರು ಮನೆಗೆ ಬೀಗ ಹಾಕಿ ಊರಿಗೆ ಹೋಗಿದ್ದಾಗ ಘಟನೆ ನಡೆದಿದೆ. ಈ ಬಗ್ಗೆ ಅವರ ಸಹೋದ್ಯೋಗಿ ಸಿ.ಎಸ್.ಹರೀಶ ಸಿದ್ದೇಗೌಡ ಎಂಬುವವರು ಏ.27 ರಂದು ಮಲ್ಲಾಪುರ ಠಾಣೆಗೆ ದೂರು ನೀಡಿದ್ದರು. ಆದರೆ, ಮೂಲ ಮಾಲೀಕರು ಹೊರ ಊರಿನಲ್ಲಿ ಇದ್ದುದರಿಂದ ಅವರು ಮಲ್ಲಾಪುರಕ್ಕೆ ಬಂದ ನಂತರ ಮೇ 8 ರಂದು ಹೇಳಿಕೆ ಪಡೆದು, ಎಫ್ಐಆರ್ ದಾಖಲಿಸಿ, ನ್ಯಾಯಾಲಯಕ್ಕೆ ಮಾಹಿತಿ ನೀಡಲಾಗಿದೆ. ಮನೆಯಲ್ಲಿ ಒಟ್ಟು 4.03 ಲಕ್ಷ ರೂ. ಮೌಲ್ಯದ ಬಂಗಾರ, 42,225 ರೂ. ಮೌಲ್ಯದ ಬೆಳ್ಳಿ ಒಡವೆಗಳು, 56,115 ರೂ. ನಗದು ಕಳ್ಳತನವಾಗಿದೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ.
