ಆ ಹಣದೊಂದಿಗೆ ಮಾಲಿನಿ ಓಮ್ನಿ ಕಾರಿನಲ್ಲಿ ಕ್ರೈಸ್ಟ್ಕಿಂಗ್ ರಸ್ತೆ ಮೂಲಕ ಕಾಬೆಟ್ಟು ತಲುಪಿದ್ದಾರೆ. ಫ್ಯಾಕ್ಟರಿಗೆ ರೇಶನ್ ಖರೀದಿಸಲೆಂದು ಕಾಬೆಟ್ಟು ಜಂಕ್ಷನ್ ಬಳಿ ಕಾರು ನಿಲ್ಲಿಸಿದ್ದರು. ಕಾರಿನ ಚಾಲಕ ಗೋಪಾಲ ರೇಶನ್ ತುಂಬಿಸಲು ಕಾರಿನ ಹಿಂಬದಿಯ ಡೋರ್ ತೆರೆದಿದ್ದಾರೆ. ಕಾರಿನಲ್ಲಿ ಇದ್ದ ವಿಶ್ವನಾಥ ಪೂಜಾರಿ ಬಾಯಾರಿಕೆ ಆಯಿತೆಂದು ತಂಪು ಪಾನೀಯ ಕುಡಿಯಲು ಅಂಗಡಿಗೆ ತೆರಳಿದ್ದಾರೆ. ಹಣವಿದ್ದ ಪ್ಲಾಸ್ಟಿಕ್ ಕವರನ್ನು ಕಾರಿನ ಮಧ್ಯದ ಸೀಟಿನಲ್ಲಿ ಇರಿಸಿದ ಮಾಲಿನಿ ರೇಶನ್ ಬಿಲ್ ಪಾವತಿಸಲು ಅಂಗಡಿ ಸಮೀಪಕ್ಕೆ ಹೋಗಿದ್ಧಾರೆ. ಇದೇ ವೇಳೆ ಅಪರಿಚಿತ ವ್ಯಕ್ತಿಯೊಬ್ಬ ಕಾರಿನ ಸಮೀಪಕ್ಕೆ ಬಂದು ಕಾರಿನೊಳಗೆ ಕೈಹಾಕಿ ಹಣ ಲಪಟಾಯಿಸಿದ್ದಾನೆ. ಅಪರಿಚಿತ ಹಣದ ಕಟ್ಟಿಗೆ ಕೈಹಾಕಿದ್ದನ್ನು ಮಾಲಿನಿ ನೋಡಿ ಚೀರಾಡಿ ಇತರರ ಗಮನ ಸೆಳೆದಿದ್ದರೂ, ಅಷ್ಟರಲ್ಲೇ ಕಳ್ಳ ತನ್ನ ಕೈಚಳಕ ತೋರಿಸಿ ಅದೇ ದಾರಿಯಲ್ಲಿ ಬಂದ ಬೈಕ್ ಏರಿ ಪರಾರಿಯಾಗಿದ್ದಾನೆ. ಕಾರ್ಕಳ ನಗರ ಠಾಣೆಯಲ್ಲಿ ಕೇಸುದಾಖಲಾಗಿದೆ.
