ಶ್ರೀರೇಣುಕಾ ಯಲ್ಲಮ್ಮ ದೇವಸ್ಥಾನದಲ್ಲಿ ಕಳವು

ಆನೇಕಲ್​ : ತಾಲೂಕಿನ ಸೋಲೂರು ಗ್ರಾಮದ ಶ್ರೀರೇಣುಕಾ ಯಲ್ಲಮ್ಮ ದೇವಸ್ಥಾನದ ಬೀಗ ಮುರಿದು ಚಿನ್ನಾಭರಣ ಮತ್ತು ಹುಂಡಿಯಲ್ಲಿದ್ದ ಹಣ ಕಳವು ಮಾಡಲಾಗಿದೆ.

ಭಾನುವಾರ ರಾತ್ರಿ 2ಗಂಟೆ ಸುಮಾರಿಗೆ ಖದೀಮರು ದೇವಸ್ಥಾನ ಪ್ರವೇಶಿಸಿದ್ದು, ಮೊದಲಿಗೆ ಎರಡು ಬೀಗ ಒಡೆದು ನಂತರ ಮುಖ್ಯದ್ವಾರದ ಲಾಕ್​ ಮುರಿದು ದೇವಿಯ ಕತ್ತಿನಲ್ಲಿದ್ದ 20 ಗ್ರಾಂನ 4 ಚಿನ್ನದ ತಾಳಿ ಸೇರಿ ಹುಂಡಿಯಲ್ಲಿದ್ದ ಹಣ, ಬೆಳ್ಳಿ ವಸ್ತುಗಳು, ಂಟೆ ಕದ್ದು ಪರಾರಿಯಾಗಿದ್ದಾರೆ. ಅಲ್ಲದೆ ಹಣ ತೆಗೆದುಕೊಂಡ ನಂತರ ಹುಂಡಿಯನ್ನು ದೇವಸ್ಥಾನದ ಸ್ವಲ್ಪ ದೂರದಲ್ಲೇ ಎಸೆದಿದ್ದಾರೆ.

ಸೋಮವಾರ ಬೆಳಗ್ಗೆ ಅರ್ಚಕರು ದೇವಾಲಯಕ್ಕೆ ಬಂದಾಗ ಪ್ರಕರಣ ಬೆಳಕಿಗೆ ಬಂದಿದೆ. ಆನೇಕಲ್​ ಪೊಲೀಸರು ಸ್ಥಳ ಪರಿಶೀಲನೆ ನಡೆಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.