ಮಹಾರಾಷ್ಟ್ರದ ಸಾಂಗ್ಲಿ ಜಿಲ್ಲೆಯ ತಾಸಗಾಂವ್ ತಾಲೂಕಿನ ಕುಮಟೆ ಗ್ರಾಮದ ವೈಭವ್ ಮೋಹನ ಘಾಟಗೆ (30) ಎಂಬವರ ವೈಭವ ಗೋಲ್ಡ್-ಸಿಲ್ವರ್ ಮೆಲ್ಟಿಂಗ್ ರಿಫೈನರಿ ಶಾಪ್ ಎಂಬ ಅಂಗಡಿಯಲ್ಲಿ ಕಳ್ಳತನ ನಡೆದಿದೆ. ರಿಫೈನರಿ ಮಷಿನ್ನಲ್ಲಿದ್ದ ಅಂದಾಜು 65.96 ಲಕ್ಷ ರೂ. ಬೆಲೆಯ 680 ಗ್ರಾಂ ಚಿನ್ನ, ಅಂಗಡಿಯ ಚಿನ್ನ ಇಡುವ ಡ್ರಾವರ್ನಲ್ಲಿದ್ದ ರಿಫೈನ್ ಮಾಡಿದ್ದ ಸುಮಾರು ಅಂದಾಜು 22 ಲಕ್ಷ ರೂ.ವಿನ 200 ಗ್ರಾಂ ಚಿನ್ನ, 6.25 ಲಕ್ಷ ರೂ. ಬೆಲೆಯ ರಿಫೈನ್ ಮಾಡಿದ್ದ 5 ಕೆಜಿ ತೂಕದ ಬೆಳ್ಳಿಯ ಸಣ್ಣ ಸಣ್ಣ ಗಟ್ಟಿಗಳು, 1.50 ಲಕ್ಷ ರೂ. ನಗದು ಸೇರಿ ಒಟ್ಟು 95.71 ಲಕ್ಷ ರೂ. ಮೌಲ್ಯದ ಸೊತ್ತುಗಳು ಕಳವಾಗಿದೆ ಎಂದು ಅಂಗಡಿಯ ಮಾಲೀಕ ಪೊಲೀಸರಿಗೆ ದೂರು ನೀಡಿದ್ದಾರೆ.
