ಸುಮಾರು ಮೂರು ಕೋಟಿ ರೂ. ವೆಚ್ಚದಲ್ಲಿ ರಂಗಮಂದಿರವನ್ನು ಕ್ಯಾಷುಟೆಕ್ ಸಂಸ್ಥೆಯಿಂದ ನವೀಕರಣಗೊಳಿಸಲಾಗಿದೆ. ವೇದಿಕೆಗೆ ಕಟ್ಟಿಗೆ ನೆಲಹಾಸು, ಆಸನಗಳ ಬದಲಾವಣೆ, ಹವಾನಿಯಂತ್ರಿತ ವ್ಯವಸ್ಥೆ, ಹೊಸ ಧ್ವನಿ ಮತ್ತು ಬೆಳಕಿನ ವ್ಯವಸ್ಥೆ, ಕಾಂಪೌಂಡ್ ವ್ಯವಸ್ಥೆ ಸೇರಿದಂತೆ ಇತರ ಸೌಲಭ್ಯಗಳನ್ನು ಕಲ್ಪಿಸಲಾಗಿದೆ. ನವೀಕರಣಗೊಂಡ ರಂಗಮಂದಿರದ ಬಾಡಿಗೆಯನ್ನು ಪರಿಷ್ಕರಿಸಲಾಗಿದ್ದು, ಬೆಳಗ್ಗೆ ಒಂಬತ್ತರಿಂದ ಮಧ್ಯಾಹ್ನ ಎರಡರವರೆಗೆ ಹಾಗೂ ಸಂಜೆ ನಾಲ್ಕರಿಂದ ರಾತ್ರಿ ಒಂಬತ್ತರವರೆಗೆ ಎರಡು ಅವಧಿ ನಿಗದಿಪಡಿಸಲಾಗಿದೆ. ಎಸಿಯಾದರೆ ಐದು ಸಾವಿರ ರೂ., ಎಸಿ ಇಲ್ಲವಾದರೆ ನಾಲ್ಕು ಸಾವಿರ ರೂ. ಹಾಗೂ ದಿನ ಪೂತಿಯಾದರೆ ಹತ್ತು ಸಾವಿರ ರೂ. ನಿಗದಿಪಡಿಸಲಾಗಿದೆ. ಟಿಕೆಟ್ ಇರುವ ಕಾರ್ಯಕ್ರಮಗಳಿಗೆ ಹೆಚ್ಚಿನ ಬಾಡಿಗೆ ನಿಗದಿಪಡಿಸಲಾಗಿದ್ದು, ಸರ್ಕಾರಿ ಕಾರ್ಯಕ್ರಮಗಳಿಗೆ ವಿದ್ಯುತ್ ಬಳಕೆಯನ್ನಾಧರಿಸಿ ನಿಗದಿ ಪಡಿಸಲಾಗಿದೆ. ರಂಗಮಂದಿರ ಉದ್ಘಾಟನೆಯಿಂದ ಸಾಂಸ್ಕೃತಿಕ ಕಾರ್ಯಕ್ರಮ ಆಯೋಜನೆಗೆ ಹೆಚ್ಚಿನ ಅನುಕೂಲ ಆಗಲಿದೆ.
