ಬೇತಮಂಗಲ; ಗಂಡನೊಂದಿಗಿನ ಮನಸ್ತಾಪದಿಂದ ತವರು ಮನೆ ಸೇರಿದ್ದ ಮಹಿಳೆ ಪಾಲಾರ್ ಜಲಾಶಯಕ್ಕೆ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಬೇತಮಂಗಲದ ಎರಡನೇ ವಾರ್ಡ್ ನಿವಾಸಿ ಭವಾನಿ(24) ಮೃತೆ. ವಾರ್ಡ್ನ ಶ್ರೀನಿವಾಸ್ ಅವರ ಪುತ್ರಿ ಭವಾನಿ ಅವರನ್ನು 8 ವರ್ಷದ ಹಿಂದೆ ಮುಳಬಾಗಿಲು ತಾಲೂಕು ಅಂಗೊಂಡಹಳ್ಳಿಯ ಮೋಹನ್ಗೆ ಮದುವೆ ಮಾಡಿ ಕೊಡಲಾಗಿತ್ತು. ದಂಪತಿಗೆ 5 ವರ್ಷದ ಹೆಣ್ಣು ಮಗು ಇದ್ದು, ಕೆಲ ತಿಂಗಳಿಂದ ಭವಾನಿ ಹಾಗೂ ಮೋಹನ್ ಮಧ್ಯೆ ವೈಮನಸ್ಸು ಉಂಟಾಗಿತ್ತು. ಹಲವು ಬಾರಿ ರಾಜಿ ಪಂಚಾಯಿತಿ ಬಳಿಕವೂ ಅತ್ತೆ&ಮಾವನಿಂದ ಕಿರುಕುಳ ಹೆಚ್ಚಿದೆ ಎಂದು ಭವಾನಿ ಪೊಲೀಸ್ ಠಾಣೆ ಮೇಟ್ಟಿಲೇರಿದ್ದಳು. ಮಹಿಳಾ ಸಾಂತ್ವನ ಕೇಂದ್ರದ ಮೂಲಕ ಆಪ್ತ ಸಮಾಲೋಚನೆ ನಡೆಸಲಾಗಿತ್ತಾದರೂ ಸಮಸ್ಯೆ ಜಟಿಲಗೊಂಡು, ಪುತ್ರಿಯೊಂದಿಗೆ ತವರು ಮನೆ ಸೇರಿದ್ದಳು. ವಾರದ ಹಿಂದೆ ಬೇತಮಂಗಲಕ್ಕೆ ಬಂದಿದ್ದ ಮೋಹನ್, ಪತ್ನಿಯ ಬಳಿ ಇದ್ದ ಮಗಳನ್ನು ಕರೆದುಕೊಂಡು ಹೋಗಿದ್ದ. ಇದರಿಂದ ಭವಾನಿ ಖಿನ್ನತೆಗೆ ಒಳಗಾಗಿದ್ದಳು. ಈ ಮಧ್ಯೆ ಶನಿವಾರ ಮಧ್ಯಾಹ್ನ ಭವಾನಿಗೆ ಕರೆ ಮಾಡಿದ್ದ ಮೋಹನ್ ಅಶ್ಲೀಲವಾಗಿ ಮಾತನಾಡಿದ್ದ. ಗಂಡನೊಂದಿಗೆ ಮೊಬೈಲ್ನಲ್ಲಿ ಜಗಳವಾಡುತ್ತಲೇ ಮನೆಯಿಂದ 1 ಕಿಮೀ ಅಂತರದಲ್ಲಿರುವ ಡ್ಯಾಂಗೆ ಬಳಿಗೆ ಬಂದು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎನ್ನಲಾಗಿದೆ. ಅಗ್ನಿಶಾಮಕ ದಳ ಶವ ಹೊರತೆಗೆದಿದ್ದು, ಇಲ್ಲಿನ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಮರಣೋತ್ತರ ಪರೀಕ್ಷೆ ಬಳಿಕ ಕುಟುಂಬಸ್ಥರಿಗೆ ಮೃತದೇಹ ಹಸ್ತಾಂತರಿಸಲಾಗಿದೆ. ಬೇತಮಂಗಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
