ವಿಜಯವಾಣಿ ಸುದ್ದಿಜಾಲ ಧಾರವಾಡ
ಮಾನಸಿಕ ಅಸ್ವಸ್ಥನೊಬ್ಬ ನಗರದಲ್ಲಿ ಬೇಕಾಬಿಟ್ಟಿಯಾಗಿ ಕಾರು ಚಲಾಯಿಸಿ ಬಸ್, ಬೈಕ್ಗಳಿಗೆ ಡಿಕ್ಕಿ ಹೊಡೆದ ಘಟನೆ ನಗರದಲ್ಲಿ ಭಾನುವಾರ ಬೆಳಗಿನ ಜಾವ ನಡೆದಿದೆ.
ಉತ್ತರ ಪ್ರದೇಶ ಮೂಲದ ದಿಲೀಪ್ ಯಾದವ ಎಂಬಾತನೇ ಈ ಟನೆಗೆ ಕಾರಣ. ಮಾನಸಿಕ ಅಸ್ವಸ್ಥ ದಿಲೀಪ್ ಬೆಂಗಳೂರಿನಲ್ಲಿ ಐಟಿ ನೌಕರ. ನಿಮ್ಹಾನ್ಸ್ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಈತ ಮನೆಯಲ್ಲಿ ಹೇಳದೆ 2-3 ದಿನಗಳ ಹಿಂದೆ ಧಾರವಾಡಕ್ಕೆ ಆಗಮಿಸಿದ್ದಾನೆ. ಈತನನ್ನು ಪತ್ತೆ ಹಚ್ಚಿಕೊಂಡು ಶನಿವಾರ ಆತನ ಪತ್ನಿ ಸಹ ನಗರಕ್ಕೆ ಆಗಮಿಸಿದ್ದಾಳೆ. ಆದರೆ ಭಾನುವಾರ ಬೆಳಗಿನ ಜಾವ ಜುಬಿಲಿ ವೃತ್ತದಲ್ಲಿ ಮೂರು ಸುತ್ತು ಕಾರು ಚಲಾಯಿಸಿ ಬಸ್ ಹಾಗೂ ಬೈಕ್ಗಳಿಗೆ ಡಿಕ್ಕಿ ಹೊಡೆದಿದ್ದಾನೆ.
ಘಟನೆ ಅರಿತು ಜನರು ಸೇರುತ್ತಿದ್ದಂತೆ ಕಾರಿನ ಮೇಲೆ ಹತ್ತಿ ಹುಚ್ಚಾಟ ಮೆರೆದಿದ್ದಾನೆ. ಕೂಡಲೇ ಮಾಹಿತಿ ತಿಳಿದ ಆತನ ಪತ್ನಿ ಸ್ಥಳಕ್ಕೆ ಆಗಮಿಸಿ ಕಾರಿನಿಂದ ಕೆಳಗಿಳಿಸಿ ಡಿಮ್ಹಾನ್ಸ್ ಆಸ್ಪತ್ರೆಗೆ ಸೇರಿಸಿದ್ದಾಳೆ. ಈ ಕುರಿತು ಯಾವುದೇ ಪ್ರಕರಣ ದಾಖಲಾಗಿಲ್ಲ ಎಂದು ಸಂಚಾರ ಠಾಣೆ ಪೊಲೀಸರು ತಿಳಿಸಿದ್ದಾರೆ.
