ಮಂಗಳೂರು ಕಡೆಯಿಂದ ಉಡುಪಿ ಕಡೆಗೆ ಬರುವ ಕೂಳೂರು ಹೊಸ ಸೇತುವೆಯಲ್ಲಿ ದ್ವಿಪಥ ರಸ್ತೆಯನ್ನಾಗಿ ಪರಿವರ್ತಿಸಲಾಗಿತ್ತು. ಪರಿಣಾಮ ನಂತೂರುನಿಂದ ಬೈಕಂಪಾಡಿ ತನಕ ವಾಹನ ದಟ್ಟನೆ ಉಂಟಾಯಿತು. ಆಂಬ್ಯುಲೆನ್ಸ್ಗಳು ದಟ್ಟಣೆಯೊಳಗೆ ಸಿಲುಕಿ ಮುಂದಕ್ಕೆ ಹೋಗಲು ಒದ್ದಾಡಿದವು. ಸಂಜೆಯ ವೇಳೆ ಒಂದು ಕಿ.ಮೀ. ಸಾಗಲು ಒಂದು ಗಂಟೆಗೂ ಅಧಿಕ ಸಮಯ ಹಿಡಿಯಿತು. ಯಾವುದೇ ಮುನ್ಸೂಚನೆ ನೀಡದೆ ಕಾಮಗಾರಿ ನಡೆಸಿ ಜನರ ಸಂಚಾರಕ್ಕೆ ಅಡಚಣೆ ಮಾಡಿದ ರಾಷ್ಟ್ರೀಯ ಹೆದ್ದರಿ ಪ್ರಾಧಿಕಾರ ಹಾಗೂ ಜಿಲ್ಲಾಡಳಿತದ ವಿರುದ್ಧ ಪ್ರಯಾಣಿಕರು ಆಕ್ರೋಶ ವ್ಯಕ್ತಪಡಿಸಿ, ಹಿಡಿಶಾಪ ಹಾಕಿದರು. ಕೂಳೂರು, ಪಣಂಬೂರು, ಬೈಕಂಪಾಡಿ ಮೊದಲಾದ ಕಡೆ ಸಂಚಾರಿ ಪೊಲೀಸರು ಸುಗಮ ಸಂಚಾರಕ್ಕೆ ಶ್ರಮಿಸಿದರು. ಆದರೆ ಮೈಲುದ್ದಕ್ಕೆ ವಾಹನ ದಟ್ಟಣೆ ಉಂಟಾದ ಕಾರಣ ಪೊಲೀಸರೂ ಏನೂ ಮಾಡುವಂತಿರಲಿಲ್ಲ.
