ಬೇಡಿಕೆ ಈಡೇರುವವರೆಗೆ ಹೋರಾಟ ನಿಲ್ಲದು

ವಿಜಯಪುರ: ಪ್ರಾಥಮಿಕ ಶಾಲಾ ಪದವೀಧರ ಶಿಕ್ಷಕರ ನ್ಯಾಯಯುತ ಬೇಡಿಕೆ ಈಡೇರುವವರೆಗೆ ನಮ್ಮ ಹೋರಾಟ ನಿಲ್ಲುವುದಿಲ್ಲ ಎಂದು ರಾಜ್ಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂದ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಅರ್ಜುನ ಲಮಾಣಿ ಹೇಳಿದರು.

ನಗರದ ಗಾಂಧಿ ವೃತ್ತದ ಬಳಿ ಶಾರದಾ ಭವನದಲ್ಲಿ ಇತ್ತೀಚೆಗೆ ನಡೆದ ಪದವೀಧರ ಶಿಕ್ಷಕರ ಬೇಡಿಕೆ ಹೋರಾಟದ ಪೂರ್ವಭಾವಿ ಸಭೆಯಲ್ಲಿ ಮಾತನಾಡಿದ ಅವರು, ಸರ್ಕಾರ ಶಿಕ್ಷಕರಲ್ಲಿಯೇ ಭೇದಭಾವ ಮಾಡುತ್ತಿದ್ದು, ಸೇವಾ ಜೇಷ್ಠತೆ ಪರಿಗಣಿಸದೆ ಮುಂಬಡ್ತಿ ನೀಡುತ್ತಿರುವುದು ಯಾವ ನ್ಯಾಯ? ಎಂದು ಅವರು ಪ್ರಶ್ನಿಸಿದರು.

ಸರ್ಕಾರ ಈ ವಿಷಯದಲ್ಲಿ ಪದವೀಧರ ಶಿಕ್ಷಕರಿಗೆ ಅನ್ಯಾಯ ಮಾಡುತ್ತಿದೆ. ರಾಜ್ಯದಲ್ಲಿ 1.30 ಲಕ್ಷ ಪದವೀಧರ ಶಿಕ್ಷಕರಿದ್ದು, ಮುಂದಿನ ದಿನಗಳಲ್ಲಿ ತರಗತಿ ಬಹಿಷ್ಕರಿಸಿ ಹೋರಾಟ ಮಾಡಲು ಸಿದ್ಧತೆ ನಡೆಸಲಾಗುತ್ತಿದೆ. ಮೊದಲ ಹಂತವಾಗಿ ಆ. 5 ರಂದು ಸ್ಥಳಿಯ ಶಾಸಕರು, ತಹಸೀಲ್ದಾರ್​, ಬಿಇಒಗಳಿಗೆ ಮನವಿ ಸಲ್ಲಿಸಲಾಗುವುದು. ಬಳಿಕ ಆ. 7 ರಂದು ಜಿಲ್ಲಾ ಉಸ್ತುವಾರಿ ಸಚಿವರು, ಜಿಲ್ಲಾಧಿಕಾರಿ, ಜಿಪಂ ಸಿಇಒ, ಮತ್ತು ಡಿಡಿಪಿಐ ಅವರಿಗೆ ಮನವಿ ಸಲ್ಲಿಸಲಾಗುವುದು ಎಂದರು.

ಆ. 12 ರಂದು ಬೆಂಗಳೂರಿನ ಸ್ವಾತಂತ್ರ ಉದ್ಯಾನವನದಲ್ಲಿ ಒಂದು ದಿನದ ಸಾಂಕೇತಿಕ ಧರಣಿ ನಡೆಸಿ ರಾಜ್ಯ ಸಂದ ನಿರ್ದೇಶನದಂತೆ ಮುಂದಿನ ಹೋರಾಟ ರೂಪರೇಷೆ ಚರ್ಚಿಸಲಾಗುವುದು ಎಂದು ತಿಳಿಸಿದರು.

ಮುಖಂಡ ಪ್ರವಿಣ ಪತ್ತಾರ ಮಾತನಾಡಿದರು. ಜಿಲ್ಲಾ ಉಪಾಧ್ಯೆ ಪುಷ್ಪಾ ಗಚ್ಚಿನಮಠ ಅಧ್ಯಕ್ಷತೆ ವಹಿಸಿದ್ದರು. ಜಿಒಸಿಸಿ ಬ್ಯಾಂಕಿನ ನಿರ್ದೇಶಕ ಹಣಮಂತ ಕೊಣದಿ, ಸಾವಿತ್ರಿಬಾಯಿ ಫುಲೆ ಶಿಕ್ಷಕಿಯರ ಸಂದ ಜಿಲ್ಲಾಧ್ಯಕ್ಷೆ ಎ.ಬಿ. ನಾಯಿಕ, ದೈಹಿಕ ಶಿಕ್ಷಕರ ಸಂದ ಜಿಲ್ಲಾಧ್ಯಕ್ಷ ಶರಣಬಸು ಬೇನೂರ, ಸಂಟನಾ ಕಾರ್ಯದರ್ಶಿ ಟಿ.ಕೆ. ಜಂಬಗಿ, ರಾಮಣ್ಣ ಬೋಳೆಗಾರ, ಎ.ಬಿ. ಧಡಕೆ, ಬಿ.ಎಸ್​. ಮಠ, ವೀರಭದ್ರಪ್ಪ, ಎಚ್​.ಎಂ. ಚಿತ್ತರಗಿ, ಅಶೋಕ ಚನಬಸಪ್ಪಗೋಳ, ಚಂದ್ರಶೇಖರ ಜಿತ್ತಿ, ಎಂ.ಎಸ್​. ಟಕ್ಕಳಕಿ, ಅಶೋಕ ಬೂದಿಹಾಳ, ಸಾಬು ಗಗನಮಾಲಿ, ಅಶೋಕ ಬಜಂತ್ರಿ, ಚಂದ್ರಶೇಖರ ಹಾರಿವಾಳ, ಆರ್​.ಡಿ. ಪವಾರ, ವಾಸೀಮ ಚಟ್ಟರಕಿ ಮತ್ತಿತರರಿದ್ದರು.