ಶಾಸಕ ಮಹೇಶ ಟೆಂಗಿನಕಾಯಿ ಮಾತನಾಡಿ, ಸೆಂಟ್ರ್ರ್ ಕ್ಷೇತ್ರದಲ್ಲಿ ಹಂತ ಹಂತವಾಗಿ ಸಿಸಿ ಹಾಗೂ ಡಾಂಬರ್ ರಸ್ತೆಗಳ ಕಾಮಗಾರಿ, ಕುಡಿಯುವ ನೀರು ಸೇರಿದಂತೆ ಹಲವಾರು ಕಾರ್ಯಗಳು ನಡೆಯುತ್ತಿವೆ. ಸ್ವಚ್ಛತೆ ಮತ್ತು ಮೂಲ ಸೌಕರ್ಯ ಒದಗಿಸಲು ಆದ್ಯತೆ ನೀಡಲಾಗುವುದು ಎಂದರು. ವಿಧಾನ ಪರಿಷತ್ ಸದಸ್ಯ ಪ್ರದೀಪ ಶೆಟ್ಟರ್, ಮಾಜಿ ಶಾಸಕಿ ಸೀಮಾ ಮಸೂತಿ, ಮಹಾಪೌರ ರಾಮಣ್ಣ ಬಡಿಗೇರ, ಪಾಲಿಕೆ ಸದಸ್ಯರಾದ ರಫೀಕ ನವಲೂರ, ಸಭಾ ನಾಯಕ ವೀರಣ್ಣ ಸವಡಿ, ಬಿಜೆಪಿ ಮಹಾನಗರ ಜಿಲ್ಲಾಧ್ಯಕ್ಷ ತಿಪ್ಪಣ್ಣ ಮಜ್ಜಗಿ, ಮಾಜಿ ಮಹಾಪೌರರಾದ ಡಾ.ಪಾಂಡುರಂಗ ಪಾಟೀಲ, ಈರೇಶ ಅಂಚಟಗೇರಿ, ಪ್ರಮುಖರಾದ ರವಿ ನಾಯಕ, ಡಾ. ಕ್ರಾಂತಿ ಕಿರಣ, ತೋಟಪ್ಪ ನಿಡಗುಂದಿ, ಗುರುನಾಥ ಮೈಲಿ, ವಿನಾಯಕ ಕುಲಕರ್ಣಿ, ರೇಖಾ ಕಾಟಕರ, ಪ್ರಭು ನವಲಗುಂದಮಠ ಹಾಗೂ ಇತರರು ಇದ್ದರು.
