ಅಖಿಲ ಭಾರತ ಶರಣ ಸಾಹಿತ್ಯ ಪರಿಷತ್ತಿನ ತಾಲೂಕು ಅಧ್ಯಕ್ಷ ಮೋದೂರು ಮಹೇಶಾರಾಧ್ಯ ಮಾತನಾಡಿ, ಬುದ್ಧ, ಬಸವ ಮತ್ತು ಅಂಬೇಡ್ಕರ್ ಆಯಾ ಕಾಲಘಟ್ಟದಲ್ಲಿ ಜನರ ನೋವುಗಳಿಗೆ ಮಿಡಿದ ದಾರ್ಶನಿಕರಾಗಿದ್ದಾರೆ. ಸಾವಿರಾರು ವರ್ಷಗಳ ಹಿಂದೆ ಅತಿ ಆಸೆಯೇ ದುಃಖದ ಮೂಲವೆಂದು ಹೇಳುವ ಮೂಲಕ ಜಗತ್ತಿನಲ್ಲಿ ಹೊಸ ಧರ್ಮದ ಸ್ಥಾಪನೆ ಮಾಡಿ ಜನರ ಮೌಢ್ಯವನ್ನು ಹೋಗಲಾಡಿಸುವ ಪ್ರಯತ್ನ ಮಾಡಿದ ಗೌತಮ ಬುದ್ಧ, ಹನ್ನೆರಡನೇ ಶತಮಾನದಲ್ಲಿ ಕಂದಾಚಾರ, ಸಾಮಾಜಿಕ ಅಸಮಾನತೆ, ಜಾತೀಯತೆ ಮುಂತಾದವುಗಳನ್ನು ಹೋಗಲಾಡಿಸಿ ಹೊಸ ಸಮಾಜದ ಕಲ್ಪನೆಯ ಬೀಜಗಳನ್ನು ಜನಸಾಮಾನ್ಯರ ಹೃದಯಗಳಲ್ಲಿ ಬಿತ್ತುವುದರ ಮೂಲಕ ಆ ಕಾಲದಲ್ಲೇ ಅಂತರ್ಜಾತಿ ವಿವಾಹವನ್ನು ಮಾಡಿಸಿ, ಎಲ್ಲ ಜಾತಿಯ ಜ್ಞಾನಿಗಳನ್ನು ಒಂದೆಡೆ ಸೇರಿಸಿ ಅನುಭವ ಮಂಟಪವೆಂಬ ಅನುಭಾವಿಗಳ ಚಿಂತನಗೋಷ್ಠಿಗಳನ್ನು ಏರ್ಪಡಿಸಿ ಸಮಾಜಕ್ಕೆ ಹೊಸ ದಿಕ್ಕನ್ನು ತೋರಿಸಿದವರು ಬಸವಣ್ಣನವರು ಎಂದು ಸ್ಮರಿಸಿದರು.
