ಪೊಲೀಸ್ ವಸತಿಗೃಹಕ್ಕಾಗಮಿಸಿದ ಹಾವು !

ಯಲ್ಲಾಪುರ: ಪಟ್ಟಣದ ಪೊಲೀಸ್ ವಸತಿಗೃಹವೊಂದರಲ್ಲಿ ಸೆಯ್ಲಾನ್ ಕ್ಯಾಟ್ ಎಂಬ ಅರೆ ವಿಷಕಾರಿ ಹಾವು ಕಾಣಿಸಿಕೊಂಡು ಆತಂಕ ಮೂಡಿಸಿತು.

ಪೊಲೀಸ್ ವಸತಿಗೃಹದಲ್ಲಿ ಕಾನ್​ಸ್ಟೆಬಲ್ ದೀಪಕ ನಾಯ್ಕ ಎಂಬುವವರ ಮನೆಯಲ್ಲಿ ದೇವರ ಫೊಟೊದ ಮೇಲೆ ಹಾವು ಮಲಗಿತ್ತು.

ವಿಷಯ ತಿಳಿದು ಸ್ಥಳಕ್ಕಾಗಮಿಸಿದ ಉರಗ ಪ್ರೇಮಿ ಅಕ್ಬರ ಅಲಿ ಹಾವನ್ನು ಸುರಕ್ಷಿತವಾಗಿ ಹಿಡಿದು ಕಾಡಿಗೆ ಬಿಟ್ಟರು.

ಸೆಯ್ಲಾನ್ ಕ್ಯಾಟ್ ಹೆಚ್ಚಾಗಿ ಮರ-ಗಿಡಗಳ ಮೇಲೆ ವಾಸಿಸುವ ಹಾವಾಗಿದ್ದು, ಅರೆ ವಿಷಕಾರಿ ಜಾತಿಗೆ ಸೇರಿದೆ.