ನಿತ್ಯವೂ ಪೊಲೀಸ್, ಹೋಮ್ ಗಾರ್ಡ್ ಸೇರಿದಂತೆ ಆರು ಸಿಬ್ಬಂದಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ.ಆದರೆ, ಕೋಳಿ ಗೂಡಿನಂತಹ ಶೆಡ್ನಲ್ಲಿ ಸಿಬ್ಬಂದಿ ಕರ್ತವ್ಯ ನಿರ್ವಹಿಸುತ್ತಿದ್ದು, ಇಲ್ಲಿ ರಕ್ಷಣೆಯಿಲ್ಲವಾಗಿದೆ. ಟೇಬಲ್, ಎರಡು ಚೇರ್ಗಳು ಹೊರತುಪಡಿಸಿದರೆ ಬೇರ್ಯಾವ ವ್ಯವಸ್ಥೆಯಿಲ್ಲ. ಮುಖ್ಯರಸ್ತೆಯಲ್ಲಿ ಚೆಕ್ಪೋಸ್ಟ್ ಇದ್ದರೂ ಹಿಂಭಾಗದಲ್ಲಿ ಗುಡ್ಡಗಾಡು ಪ್ರದೇಶವಿದೆ. ರಾತ್ರಿಯಾಗುತ್ತಿದ್ದಂತೆ ಕರಡಿ, ಚಿರತೆ ಮತ್ತು ಇತರೆ ಪ್ರಾಣಿಗಳ ಕಾಟವಿದೆ. ಅಗಾಗ್ಗೆ ಹಾವು, ಚೇಳುಗಳು ಶೆಡ್ನಲ್ಲಿ ನುಸುಳುತ್ತಿವೆ. ತಗಡಿನ ಶೆಡ್ನಲ್ಲಿ ಬಿಸಿಲಿನ ಝಳ ಹೆಚ್ಚಾಗಿದ್ದು, ಮಧ್ಯಾಹ್ನ ಬಯಲಲ್ಲೇ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ರಿಜಿಸ್ಟ್ರರ್, ದಾಖಲೆಗಳನ್ನಿಡಲು ವ್ಯವಸ್ಥೆಯಿಲ್ಲ. ನೆಲಹಾಸು ಕಿತ್ತು ಹೋಗಿದ್ದು, ವಿಷ ಜಂತುಗಳು ಹೊರಬರುತ್ತಿವೆ. ತಾತ್ಕಾಲಿಕ ವಿದ್ಯುತ್ ಸಂಪರ್ಕ ಮಾತ್ರ ಇಲ್ಲಿದ್ದು, ದಿನದಲ್ಲಿ 12 ಗಂಟೆ ವಿದ್ಯುತ್ ಸಿಕ್ಕರೆ ಅದೇ ಪುಣ್ಯ. ಪ್ರವಾಸಿಗರಿಗೆ ಸುರಕ್ಷತೆ ಬಯಸುವ ಕರ್ತವ್ಯ ಸಿಬ್ಬಂದಿಗೇ ಸುರಕ್ಷತೆ ಭೀತಿ ಎದುರಾಗಿದೆ.
