50 ಸಾವಿರ ಜನಸಂಖ್ಯೆ ಹೊಂದಿರುವ ತಾಲೂಕು ಕೇಂದ್ರದಲ್ಲಿ 15 ಸಾವಿರದಷ್ಟು ಆಸ್ತಿಗಳಿವೆ. ಪಂಪ ಸರ್ಕಲ್ ಹತ್ತಿರ 8 ಗುಂಟೆ ನಿವೇಶನವಿದ್ದರೂ ಜನಪ್ರತಿನಿಧಿಗಳ ನಿರ್ಲಕ್ಷೃದಿಂದ ಸ್ವಂತ ಕಟ್ಟಡದ ಭಾಗ್ಯ ಕಾಣದೆ ಬಾಡಿಗೆ ಕಟ್ಟಡದಲ್ಲಿಯೇ ಕಾರ್ಯನಿರ್ವಹಿಸುತ್ತಿದೆ. ಖಾಲಿ ಬಿದ್ದಿರುವ ನಿವೇಶನದಲ್ಲಿ ಮುಳ್ಳುಕಂಟಿಗಳು ಬೆಳೆದಿವೆ.
ಸಿಬ್ಬಂದಿ ಕೊರತೆ: ತಾಲೂಕು ಕೇಂದ್ರದಲ್ಲಿನ ಭೂಮಾಪನ ಕಚೇರಿಯಲ್ಲಿ ಒಬ್ಬರು ಸರ್ವೇಯರ್, ಒಬ್ಬ ಸಹಾಯಕ ಇದ್ದಾರೆ. ಕಚೇರಿಗೆ ಇಬ್ಬರು ಸರ್ವೇಯರ್, ಇಬ್ಬರು ಸಹಾಯಕರು, ಒಬ್ಬ ಕ್ಲರ್ಕ್ ಅಗತ್ಯವಿದೆ. ಸರ್ವೇ ಕಾರ್ಯಕ್ಕೆ ಹೊರಗೆ ಹೋದರೆ ಕಚೇರಿಗೆ ಬೀಗ ಹಾಕಬೇಕಾಗುತ್ತದೆ. ಕಚೇರಿಯಲ್ಲಿ ಕುಳಿತು ಕೆಲಸ ಮಾಡಬೇಕೆಂದರೆ ಆಸ್ತಿಯ ಸರ್ವೇ ಮಾಡಲಾಗುತ್ತಿಲ್ಲ. ತೀವ್ರ ಗತಿಯಲ್ಲಿ ಅಭಿವೃದ್ಧಿ ಹೊಂದುತ್ತಿರುವ ಪಟ್ಟಣದಲ್ಲಿ ನಿತ್ಯವೂ ನೂರಾರು ಜನರು ಕಚೇರಿ ಕೆಲಸಕ್ಕಾಗಿ ಅಲೆದಾಡುವಂತಾಗಿದೆ.
