ಇಲ್ಲಿನ ಕೇಶ್ವಾಪುರ ಪೊಲೀಸ್ ಠಾಣೆ ವ್ಯಾಪ್ತಿಯ ಕೆ.ಎಚ್. ಪಾಟೀಲ ರಸ್ತೆಯ ಎಸ್ಬಿಐ ಬ್ಯಾಂಕ್ನಲ್ಲಿ ಉದ್ಯಮಿಯೊಬ್ಬರಿಗೆ ಸೇರಿದ ಲಾಕರ್ನಲ್ಲಿದ್ದ 56.30 ಲಕ್ಷ ರೂ. ಮೌಲ್ಯದ ಆಭರಣ ಕಳ್ಳತನವಾಗಿದೆ. ಮಹಾವೀರ ಕಾಲನಿಯ ಉದ್ಯಮಿ ಈಶ ಬೋಮೇಶ್ವರದಾಸ ಕೊಹ್ಲಿ ಎಂಬುವವರ ಹೆಸರಿನ ಲಾಕರ್ನಲ್ಲಿದ್ದ ಮಾಂಗಲ್ಯ ಸರ, ಎರಡು ಬಂಗಾರದ ಚೈನ್, ಪಂಜಾಬಿ ಕಳ, ಲಕ್ಷ್ಮೀ ಲಾಕೆಟ್, ಸಿಲ್ವರ್ ಕಾಯಿನ್ಸ್, ಕಿವಿಯೋಲೆ, ಡೈಮಂಡ್ ನೆಕ್ಲೇಸ್, ಡೈಮಂಡ್ ರಿಂಗ್, ಡೈಮಂಡ್ ಬಳೆ ಸೇರಿ 56.30 ಲಕ್ಷ ರೂ. ಮೌಲ್ಯದ ಆಭರಣ ಕಳ್ಳತನವಾಗಿವೆ. ಬ್ಯಾಂಕ್ ಅಧಿಕಾರಿಗಳ ಸಮ್ಮುಖದಲ್ಲಿ ಲಾಕರ್ ಬಳಿ ಹೋದಾಗ ಓಪನ್ ಆಗಿರುವುದು ನೋಡಿ ಉದ್ಯಮಿ ಈಶ ಅವರಿಗೆ ಶಾಕ್ ಆಗಿದೆ. ಲಾಕರ್ನಲ್ಲಿದ್ದ ಆಭರಣ ಇಲ್ಲ. ಇದಕ್ಕೆ ಬ್ಯಾಂಕ್ ಅಧಿಕಾರಿಗಳೇ ಹೊಣೆ ಎಂದು ಆರೋಪಿಸಿ ಈಶ ಅವರು ಎಸ್ಬಿಐನ ನಾಲ್ವರು ಅಧಿಕಾರಿಗಳಾದ ದಿಲೀಪ್ ಕೆಂಭಾವಿ, ಸಂತೋಷ, ಮೋಹನ ಪಾಟೀಲ, ರವಿ ಶಂಕರ ಎಂಬುವರ ವಿರುದ್ಧ ಕೇಶ್ವಾಪುರ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
