ಒಣ ಎಲೆಗಳು ಗಾಂಜಾ ಅಲ್ಲ: ಅರ್ಜಿದಾರರ ಪರ ವಕೀಲರು ವಾದ ಮಂಡಿಸಿ, ಪಂಚನಾಮೆಯಲ್ಲಿ 15 ಕೆಜಿಯಷ್ಟು ಒಣಗಿದ ಎಲೆಗಳನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಹೇಳಲಾಗಿದೆ. ಆದರೆ, ಎನ್ಡಿಪಿಎಸ್ ಕಾಯ್ದೆಯ ಪ್ರಕಾರ ಒಣ ಎಲೆಗಳನ್ನು ಗಾಂಜಾ ಎಂದು ಪರಿಗಣಿಸಲು ಸಾಧ್ಯವಿಲ್ಲ. ಗಾಂಜಾ ಗಿಡದ ಬೀಜಗಳು, ಹೂವು ಅಥವಾ ಹೂವು ಬಿಡುವ ತುದಿಗಳನ್ನು ಒಳಗೊಂಡಿದ್ದರೆ ಅಂತಹ ಪದಾರ್ಥಗಳು ಅಪರಾಧಿಕ ನಶೆಯ ಪದಾರ್ಥ ಎನಿಸಿಕೊಳ್ಳುತ್ತವೆ. ಹಾಗಾಗಿ ಭಂಗಿ ಬೀಜಗಳಿಲ್ಲದ ಬರಿದೇ ಗಾಂಜಾ ಸೊಪ್ಪನ್ನು ಅಮಲಿನ ಪದಾರ್ಥಗಳ ಪಟ್ಟಿಯಲ್ಲಿ ಸೇರಿಸಲು ಅವಕಾಶವಿಲ್ಲ. ಪ್ರಯೋಗಾಲಯದ ವರದಿಯಲ್ಲಿ ಬ್ಯಾಗ್ನಲ್ಲಿ ಒಣ ಎಲೆ, ಹೂವು, ಬೀಜ ಹಾಗೂ ಹಣ್ಣುಗಳಿದ್ದವು ಎಂದು ಹೇಳಲಾಗಿದೆಯಾದರೂ ಅಮಲಿನ ಪದಾರ್ಥದ ಪ್ರಮಾಣ ಎಷ್ಟಿತ್ತು ಎಂಬುದನ್ನು ನಿರ್ದಿಷ್ಟವಾಗಿ ಹೇಳಲಾಗಿಲ್ಲ ಎಂದು ನ್ಯಾಯಪೀಠಕ್ಕೆ ವಿವರಿಸಿದರು.
