ಮತ್ತೊಬ್ಬ ಟ್ರಸ್ಟಿ ಟಿ.ಕೋನಪ್ಪ ರೆಡ್ಡಿ ಮಾತನಾಡಿ, 44 ಎಕರೆ 33 ಗುಂಟೆ ಜಮೀನಿಗೆ ಖಾತೆ ಬದಲಾವಣೆ ಮಾಡಿರುವ ಕ್ರಮವು ನಿಯಮೋಚಿತವಲ್ಲ. ರಂಗಮ್ಮರವರ ಹೆಸರು ರದ್ದುಪಡಿಸಿ ಬಿ.ಎಂ.ಪುಟ್ಟಸ್ವಾಮಿ ವಾರಸುದಾರರ ಹೆಸರಿಗೆ ಖಾತೆ ಬದಲಾವಣೆ ಮಾಡುವ ಕ್ರಮದಲ್ಲಿ ಶಾಮೀಲಾಗಿರುವ ನೌಕರರ ವಿರುದ್ಧ ಕ್ರಮಕೈಗೊಳ್ಳುವುದು ಸೂಕ್ತ ಎಂದು ಕಂದಾಯ ಇಲಾಖೆಯ ಪ್ರಾದೇಶಿಕ ಆಯುಕ್ತರು ವರದಿ ನೀಡಿದ್ದಾರೆ.ಈ ವರದಿ ಪರವಾಗಿ ನಿಲ್ಲುವುದಾಗಿ ಆರಂಭದಲ್ಲಿ ಡಿಕೆಶಿ, ಕೃಷ್ಣಭೈರೇಗೌಡ ಹೇಳಿದ್ದರು. ಆದರೆ, ಇದೀಗ ಅವರೆಲ್ಲರೂ ಮೌನವಹಿಸಿದ್ದಾರೆ. ನಮ್ಮ ಜನಾಂಗದ ರಾಜಕೀಯ ನಾಯಕರು ಈಗಲಾದರೂ ಎಚ್ಚೆತ್ತುಕೊಂಡು ಜಮೀನು ಉಳಿಸಲು ಮುಂದಾಗಬೇಕು ಎಂದು ಕೋರಿದರು. ಟ್ರಸ್ಟಿಗಳಾದ ಸಿ.ಎಂ.ಮಾರೇಗೌಡ, ಸಿ.ಜಿ.ಗಂಗಾಧರ್, ಕೆ.ಎಸ್.ಸುರೇಶ್ ಮತ್ತಿತರರಿದ್ದರು.
