ಪುತ್ರನಿಗೆ ಮರುಜನ್ಮಕೊಟ್ಟ ತಂದೆ!

ವಿಜಯಪುರ : ಮೂತ್ರಪಿಂಡ ದಾನ ಮಾಡುವ ಮೂಲಕ ತಂದೆ ಅನಾರೋಗ್ಯ ಪೀಡಿತ ಪುತ್ರನಿಗೆ ಮರುಜನ್ಮ ನೀಡಿದ್ದಾರೆ.

ಪಟ್ಟಣದ ಈದ್ಗಾ ಮೊಹಲ್ಲಾದ ನಿವಾಸಿ ಪಿ. ಸಾದಿಕ್​ ಪಾಷಾ (45) ಅವರು, ಎರಡೂ ಮೂತ್ರ ಕೋಶಗಳು ವಿಲವಾಗಿರುವ 20 ವರ್ಷದ ಪುತ್ರ ಯಾಸಿನ್​ ಪಾಷಾ ಅವರಿಗಾಗಿ ಒಂದುಮೂತ್ರಪಿಂಡವನ್ನು ದಾನ ಮಾಡಿದ್ದಾರೆ. ಬೆಂಗಳೂರಿನ ಯಲಹಂಕ& ಬಾಗಲೂರು ಕ್ರಾಸ್​ ಬಳಿಯ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಆರೋಗ್ಯ ಚೇತರಿಕೆಯಾಗಿದೆ.

ಜಿಲ್ಲಾ ಉಸ್ತುವಾರಿ ಸಚಿವ ಕೆ.ಎಚ್​. ಮುನಿಯಪ್ಪ ಅವರ ಮನವಿಯ ಮೇರೆಗೆ ಮುಖ್ಯಮಂತ್ರಿ ಪರಿಹಾರ ನಿಧಿಯಿಂದ ಸಾದಿಕ್​ ಪಾಷಾ ಚಿಕಿತ್ಸೆಗೆ 1,30,000 ರೂ. ನೀಡಲಾಗಿದೆ. ಎ.ವಿ. ವೀರಭದ್ರಪ್ಪ ಟ್ರಸ್ಟ್​ನಿಂದ ಕಾರ್ಯದರ್ಶಿ ತೇಜಸ್​ ಮಂಜುನಾಥ್​ ಮೂತ್ರಪಿಂಡ ಕಸಿ ಚಿಕಿತ್ಸೆಗಾಗಿ ನೆರವು ನೀಡಿದ್ದಾರೆ. ಚಿಕಿತ್ಸೆಗೆ 18 ಲಕ್ಷ ರೂ. ವೆಚ್ಚವಾಗುತ್ತಿದ್ದು, ಹೆಚ್ಚಿನ ಸಹಾಯ ಯಾಚಿಸಿದ್ದಾರೆ. ಪುರಸಭೆ ಸದಸ್ಯರಾದ ಎನ್​.ರಾಜಣ್ಣ, ಎಂ. ನಾರಾಯಣಸ್ವಾಮಿ, ಮಾಜಿ ಸದಸ್ಯ ನಿಸಾರ್​ ಅಹಮ್ಮದ್​, ಏಜಾಜ್​ ಅಹಮದ್​, ಪಿಪಿಆರ್​ ರಮೇಶ್​, ಜಗದೀಶ್​, ಹರೀಶ್​, ಮುನಿ ನಾರಾಯಣ ಇತರರು ಇದ್ದರು.