ದಿ ಎಲಿಗಂಟ್ ಇನ್​ಸ್ಟಿಟ್ಯೂಟ್ ಲೋಕಾರ್ಪಣೆ ಜ. 6ಕ್ಕೆ

ಹುಬ್ಬಳ್ಳಿ : ವೃತ್ತಿಪರ ಡಿಪ್ಲೋಮಾ ಮೂಲಕ ಉದ್ಯೋಗಾವಕಾಶ ಒದಗಿಸುವ ಉದ್ದೇಶದಿಂದ ಇಲ್ಲಿನ ಗೋಕುಲ ರಸ್ತೆಯ ಪ್ರೖೆಡ್ ಐಕಾನ್ ಕಟ್ಟಡದಲ್ಲಿ ದಿ ಎಲಿಗಂಟ್ ಇನ್​ಸ್ಟಿಟ್ಯೂಟ್ ಆರಂಭಿಸಲಾಗಿದೆ.

ನಗರದಲ್ಲಿ ಶನಿವಾರ ಸುದ್ದಿಗೋಷ್ಠಿಯಲ್ಲಿ ಈ ಕುರಿತು ವಿವರ ನೀಡಿದ ದಿ ಎಲಿಗಂಟ್ ಇನ್​ಸ್ಟಿಟ್ಯೂಟ್​ನ ಚೀಫ್ ಆಪರೇಟಿಂಗ್ ಆಫೀಸರ್ ಅಜಯ ಕುಲಕರ್ಣಿ, ಜ. 6ರಂದು ಸಂಜೆ 4 ಗಂಟೆಗೆ ಕೆಎಲ್​ಇ ತಾಂತ್ರಿಕ ವಿಶ್ವವಿದ್ಯಾಲಯದ ಉಪ ಕುಲಪತಿ ಡಾ. ಅಶೋಕ ಶೆಟ್ಟರ್ ಅವರು ದಿ ಎಲಿಗಂಟ್ ಇನ್​ಸ್ಟಿಟ್ಯೂಟ್ ಅನ್ನು ಲೋಕಾರ್ಪಣೆಗೊಳಿಸುವರು ಎಂದು ತಿಳಿಸಿದರು.

ಸಿಎ ಮಲ್ಲಿಕಾರ್ಜುನ ಪಿಸೆ, ಎಚ್.ಎನ್. ಅದಿನವರ, ಡೆನಿಸನ್ಸ್ ಗ್ರುಪ್ ಆಫ್ ಹೋಟೆಲ್​ನ ವಿಪಿ ಚೇತನ ಕಾಮತ, ಹಂಡಾ ಗ್ರುಪ್ ಆಫ್ ಕಂಪನಿಯ ಮಾಲೀಕರಾದ ಡಾ. ರೀಟಾ ಹಂಡಾ, ವಿಸನ್ ಪ್ಲೈ ನಿರ್ದೇಶಕ ದಿನೇಶ ಶಾನಭಾಗ, ಮಯೂರ ಆದಿತ್ಯ ಹೋಟೆಲ್ ಸಿಇಒ ಹೇಮಲ್ ದೇಸಾಯಿ ಹಾಗೂ ಮತ್ತಿತರ ಗಣ್ಯರು ಅತಿಥಿಗಳಾಗಿ ಪಾಲ್ಗೊಳ್ಳುವರು ಎಂದು ಹೇಳಿದರು.

1 ವರ್ಷ ಅವಧಿಯ ಡಿಪ್ಲೋಮಾ ಇನ್ ಹೋಟೆಲ್ ಮ್ಯಾನೇಜ್​ವೆುಂಟ್, ಡಿಪ್ಲೋಮಾ ಇನ್ ಅಗ್ನಿ ಮತ್ತು ಸುರಕ್ಷತಾ ಮ್ಯಾನೇಜ್​ವೆುಂಟ್, ಡಿಪ್ಲೋಮಾ ಇನ್ ಬ್ಯೂಟಿ ಟೆಕ್ನಿಷಿಯನ್, 6 ತಿಂಗಳ ಅವಧಿಯ ಡಿಪ್ಲೋಮಾ ಇನ್ ಪೈನಾನ್ಸಿಯಲ್ ಅಕೌಂಟಿಂಗ್, 3 ತಿಂಗಳ ಅವಧಿಯ ಸರ್ಟಿಫಿಕೆಟ್ ಇನ್ ಇಂಗ್ಲಿಷ್ ಕೋರ್ಸ್​ಗಳನ್ನು ಈ ಇನ್​ಸ್ಟಿಟ್ಯೂಟ್​ನಲ್ಲಿ ಪ್ರಾರಂಭಿಸಲಾಗಿದೆ. ಇಲ್ಲಿ ಡಿಪ್ಲೋಮಾ ಶಿಕ್ಷಣ ಪಡೆದವರಿಗೆ ಉದ್ಯೋಗಾವಕಾಶದಲ್ಲಿಯೂ ಸಹಾಯ ಮಾಡಲಾಗುವುದು ಎಂದು ತಿಳಿಸಿದರು.

ಇನ್​ಸ್ಟಿಟ್ಯೂಟ್​ನಲ್ಲಿ 5 ಜನ ಕಾಯಂ ಉಪನ್ಯಾಸಕರಿದ್ದು, ಅನುಭವಿ ಅತಿಥಿ ಉಪನ್ಯಾಸಕರನ್ನೂ ಕರೆಯಿಸಲಾಗುವುದು. ಬಡ ವಿದ್ಯಾರ್ಥಿಗಳಿಗೆ ಸಹಾಯ ಮಾಡಲಾಗುವುದು. ಪ್ರತಿ ಕೋರ್ಸ್​ಗೆ 50 ಜನ ವಿದ್ಯಾರ್ಥಿಗಳಿಗೆ ಮಾತ್ರ ಅವಕಾಶ ಇದೆ ಎಂದರು.

ಇನ್​ಸ್ಟಿಟ್ಯೂಟ್​ನ ಸಿಇಒ ಉದಯ ಬೆಂಜಮಿನ್, ಅರುಣ ಸವದತ್ತಿ, ರೀಟಾ ಹಂಡಾ ಸುದ್ದಿಗೋಷ್ಠಿಯಲ್ಲಿ ಉಪಸ್ಥಿತರಿದ್ದರು.