ಕಾರವಾರ:ನಿಕಟಪೂರ್ವ ಅಧ್ಯಕ್ಷರು, ಕೆಲ ಸದಸ್ಯರು ಹಾಗೂ ಪಿಡಿಒ ಸೇರಿ ಗ್ರಾಪಂ ಕಚೇರಿಯಲ್ಲಿ ರಾತ್ರಿ ಕುಳಿತು ಆಗದ ಕಾಮಗಾರಿಗಳಿಗೆ ಚೆಕ್ ಬರೆಯುತ್ತಿದ್ದರು ಎಂದು ಆರೋಪಿಸಿರುವ ನೂತನ ಅಧ್ಯಕ್ಷ ಗ್ರಾಪಂಗೆ ಬೀಗ ಹಾಕಿ, ಪೊಲೀಸ್ ಕಾವಲಿರಿಸಿದ ಘಟನೆ ಶುಕ್ರವಾರ ಚಿತ್ತಾಕುಲಾದಲ್ಲಿ ನಡೆದಿದೆ. ಈ ಸಂಬಂಧ ಹಾಲಿ ಹಾಗೂ ಮಾಜಿಗಳ ನಡುವೆ ಆಣೆ, ಪ್ರಮಾಣದ ವಾಗ್ಯುದ್ದ ಪ್ರಾರಂಭವಾಗಿದೆ.
ಜಿಲ್ಲೆಯ ಅತಿ ದೊಡ್ಡ ಗ್ರಾಪಂಗಳಲ್ಲಿ ಒಂದಾದ 36 ಸದಸ್ಯ ಬದಲ ಚಿತ್ತಾಕುಲಾ ಗ್ರಾಪಂನಲ್ಲಿ ಶುಕ್ರವಾರ ನೂತನ ಅಧ್ಯಕ್ಷ, ಉಪಾಧ್ಯಕ್ಷರ ಆಯ್ಕೆ ನಡೆಯಿತು. ಕಾಂಗ್ರೆಸ್ನ ರಾಜು ತಾಂಡೇಲ 19 ಮತ ಪಡೆದು ಅಧ್ಯಕ್ಷರಾಗಿ ಆಯ್ಕೆಯಾದರು. ಬಿಜೆಪಿಯ ಸೂರಜ್ ದೇಸಾಯಿ 22 ಮತ ಪಡೆದು, ಉಪಾಧ್ಯಕ್ಷರಾಗಿ ಆಯ್ಕೆಯಾದರು.
ಶುಕ್ರವಾರ ರಾತ್ರಿ ಗ್ರಾಪಂ ಪಿಡಿಒ ರಾಜೇಶ ನಾಯ್ಕ, ನಿಕಟಪೂರ್ವ ಅಧ್ಯಕ್ಷೆ ಹಾಗೂ ನೂತನ ಉಪಾಧ್ಯಕ್ಷರ ಪತ್ನಿ ಸ್ವಾತಿ ದೇಸಾಯಿ ಹಾಗೂ ಇತರ ಕೆಲ ಸದಸ್ಯರು ರಾತ್ರಿ ಕುಳಿತು ಚೆಕ್ಗಳನ್ನು ಬರೆಯುತ್ತಿದ್ದರು ಎಂದು ನೂತನ ಅಧ್ಯಕ್ಷ ರಾಜು ತಾಂಡೇಲ ಆರೋಪಿಸಿದ್ದಾರೆ. ಅದೂ ಪಿಡಿಒ ರಾಜೇಶ ನಾಯ್ಕ ಈಗಾಗಲೇ ವರ್ಗಾವಣೆಯಾಗಿದ್ದಾರೆ.
