ಸ್ಫೋಟಕ್ಕೆ ಹಾರಿದ ಗೋಡೆಗಳುಮೂರು ಮಹಡಿಗಳ ಕಟ್ಟಡದಲ್ಲಿ ಒಟ್ಟು ಆರು ಮನೆಗಳಿದ್ದು, ಎರಡನೇ ಮಹಡಿಯಲ್ಲಿ ಅಕ್ಕ ಪಕ್ಕದಲ್ಲಿದ್ದ ಮನೆ ಗೋಡೆಗಳು ಕುಸಿದಿವೆ. ಸ್ಫೋಟದ ತೀವ್ರತೆಗೆ ಗೋಡೆಗಳು, ಕಾಂಪೌಂಡ್, ಕಬ್ಬಿಣದ ಸರಳುಗಳು ಎದುರಿನ ಕಟ್ಟಡಗಳಿಗೆ ಬಡಿದಿದ್ದವು.ಮಾಲೀಕನಿಗೆ ಸಂಕಷ್ಟಕಟ್ಟಡ ಭದ್ರವಾಗಿರಲಿ ಎಂದು ಎಂಟು ಪಿಲ್ಲರ್ ಹಾಕಿ ಭದ್ರವಾಗಿ ಬಿಲ್ಡಿಂಗ್ ನಿರ್ಮಾಣ ಮಾಡಿದ್ದೆ. ಆದರೆ ಗ್ಯಾಸ್ ಲೀಕೇಜ್ನಿಂದ ಇಡೀ ಕಟ್ಟಡ ಹಾಳಾಗಿದೆ ಎಂದು ಮಾಲೀಕ ಕಣ್ಣೀರಿಟ್ಟರು.ಜನನಿಬಿಡ ಪ್ರದೇಶದಲ್ಲಿ ಅವಘಡಕಿತ್ತಗಾನಹಳ್ಳಿ ಸುತ್ತಮುತ್ತ ವಾಸ ಇರುವವರು ಬಹುತೇಕ ಬೊಮ್ಮಸಂದ್ರ ಹಾಗೂ ನಾರಾಯಣ ಹೆಲ್ತ್ ಸಿಟಿ ವ್ಯಾಪ್ತಿಯಲ್ಲಿ ಕೆಲಸ ಮಾಡುವ ಕಾರ್ಮಿಕರಾಗಿದ್ದು, ಒಂದು ಗಂಟೆ ತಡವಾಗಿ ದುರ್ಘಟನೆ ಆಗಿದ್ದರೆ ಭಾರಿ ಸಾವು ನೋವು ಸಂಭವಿಸುವ ಸಾಧ್ಯತೆ ಹೆಚ್ಚಾಗಿತ್ತು. ಸ್ಫೋಟದ ಸ್ಥಳದಲ್ಲಿ ಸಾಕಷ್ಟು ಜನ ಜಮಾಯಿಸಿದ್ದರು. ಬಹುತೇಕರು ಬಾಂಬ್ ಬ್ಲಾಸ್ಟ್ ಆಗಿದೆ ಎಂದು ಭಾವಿಸಿದ್ದರು. ಹೀಗಾಗಿ ಭದ್ರತೆಯ ದೃಷ್ಟಿಯಿಂದ ಪೊಲೀಸರು ಸ್ಥಳದಲ್ಲೇ ಇದ್ದರು.ತೆರವು ಕಾರ್ಯಾಚರಣೆ ಮುಂದೂಡಿಕೆಕಟ್ಟಡದ ಬಹುತೇಕ ಭಾಗ ಹಾನಿ ಆಗಿರುವ ಹಿನ್ನೆಲೆಯಲ್ಲಿ ತೆರವು ಕಾರ್ಯಾಚರಣೆಯನ್ನು ಮಂಗಳವಾರಕ್ಕೆ ಮುಂದೂಡಿದ್ದು, ಬೆಳಗ್ಗೆ ತಜ್ಞರ ತಂಡದಿಂದ ಕಟ್ಟಡ ತೆರವು ಕಾರ್ಯಾಚರಣೆ ಆಗಲಿದೆ. ಎರಡು ತಿಂಗಳಲ್ಲಿ ಇದೇ ರೀತಿ ಗ್ಯಾಸ್ ಲೀಕೇಜ್ ಪ್ರಕರಣಗಳು ಬೇಗೂರು ಸೇರಿ ಒಟ್ಟು ನಾಲ್ಕು ಕಡೆ ಆಗಿವೆ.
