ಅಡುಗೆ ಅನಿಲ ಕೊಳವೆ ಪೈಪ್ಲೇನ್ ಅಳವಡಿಸಲು ಗೇಲ್ ಕಂಪನಿಯು ಕೆ.ಆರ್.ಮಾರುಕಟ್ಟೆ, ಆಜಾದ್ನಗರ, ಕಾಟನ್ಪೇಟೆ, ದೀಪಾಂಜಲಿನಗರ ವಾರ್ಡ್ಗಳಲ್ಲಿ ಇತ್ತೀಚಿಗೆ ಅನುಮತಿ ಪಡೆದುಕೊಂಡಿತ್ತು. ಕಾಮಗಾರಿ ಆರಂಭಿಸುವ ಮುನ್ನ ಸಂಚಾರ ಪೊಲೀಸರ ಒಪ್ಪಿಗೆ ಸಹಿತ ಕೆಲ ಷರತ್ತುಗಳನ್ನು ಪಾಲಿಸಬೇಕು ಎಂದು ಸೂಚಿಸಲಾಗಿತ್ತು. ಆದರೆ, ಕಂಪನಿಯು ಕಾರ್ಯಾದೇಶ ಪಡೆದ ಬಳಿಕ ನಿಯಮ ಪಾಲಿಸಲಿಲ್ಲ. ಜತೆಗೆ ಕತ್ರಿಗುಪ್ಪೆ ಸೇರಿ ಇತರ ಕಡೆಯೂ ಕಾಮಗಾರಿ ಕೈಗೊಂಡು ರಸ್ತೆಗೆ ಹಾನಿ ಮಾಡಿತ್ತು. ಇದರ ವಿರುದ್ಧ ಪಾಲಿಕೆಯ ಆಡಳಿತ ಪಕ್ಷದ ಮಾಜಿ ನಾಯಕ ಎನ್.ಆರ್. ರಮೇಶ್ ಬಿಬಿಎಂಪಿಗೆ ದೂರು ನೀಡಿದ್ದರು. ಇದನ್ನಾಧರಿಸಿ ಸಂಸ್ಥೆಗೆ ನಷ್ಟ ಆಗಿರುವ ಕಾರಣ ಗೇಲ್ ಕಂಪನಿಗೆ ನೀಡಿದ್ದ ರಸ್ತೆಅಗೆತ ಕಾರ್ಯಾದೇಶದ ಅನುಮತಿ ಪತ್ರವನ್ನು ಶುಕ್ರವಾರ ಹಿಂಪಡೆಯಲಾಗಿದೆ.
