ಗಡಿಯಾರ ಗೋಪುರಕ್ಕಿಲ್ಲ ದುರಸ್ತಿ ಭಾಗ್ಯ

ಕಾಲಚಕ್ರ ನಿಲ್ಲಿಸಿದ ಮುಳ್ಳುಗಳು - ಹಳೇ ಬಸ್​ ನಿಲ್ದಾಣವೀಗ ಕಸದ ತೊಟ್ಟಿಯಾಗಿ ಮಾರ್ಪಾಡು

ಎನ್​.ಮುನಿವೆಂಕಟೇಗೌಡ, ಕೋಲಾರ

ಕೋಲಾರ ನಗರದಲ್ಲಿರುವ ಹಳೆಯ ಎರಡು ಗಡಿಯಾರ ಗೋಪುರಗಳ ಮುಳ್ಳು ಓಟ ನಿಲ್ಲಿಸಿದ್ದು, ಕ್ಲಾಕ್​ ಟವರ್​ ಒಂದು ಗಡಿಯಾರ ಮಾತ್ರ ಕಾರ್ಯನಿರ್ವಹಿಸುತ್ತಿದ್ದರೆ, ಹಳೇ ಬಸ್​ ನಿಲ್ದಾಣವು ಸಂಪೂರ್ಣ ಸ್ವರೂಪವನ್ನೇ ಕಳೆದುಕೊಂಡು ಕಸದ ರಾಶಿ ಹಾಕುವ ಜಾಗವಾಗಿ ಮಾರ್ಪಟ್ಟಿದೆ.

ನಗರದ ಕ್ಲಾಕ್​ ಟವರ್​ ವೃತ್ತದಲ್ಲಿರುವ ಗಡಿಯಾರ ಗೋಪುರ 86 ವರ್ಷದ ಹಿಂದೆ ನಗರದ ಪ್ರಮುಖ ದ್ವಾರ ಬಾಗಿಲು ಆಗಿತ್ತು. ಹಳೇ ಬಸ್​ ನಿಲ್ದಾಣದಲ್ಲೂ 68 ವರ್ಷದ ಹಿಂದೆ ಮತ್ತೊಂದು ಗಡಿಯಾರ ಗೋಪುರ ನಿಮಾರ್ಣವಾಗಿತ್ತು. ಆದರೆ ಈ ಎರಡು ಗೋಪುರಗಳ ಮೇಲಿರುವ ಗಡಿಯಾರಗಳು ಮೂಲೆಗುಂಪಾಗಿವೆ.

ಕ್ಲಾಕ್​ ಟವರ್​ ವೃತ್ತದಲ್ಲಿ ವರ್ಷದ ಎಲ್ಲ ದಿನಗಳಲ್ಲೂ ಭದ್ರೆತೆ ಇದ್ದೇ ಇರುತ್ತದೆ. ಒಂದು ಕೋಮಿನ ಜನರೇ ಹೆಚ್ಚಿನ ಸಂಖ್ಯೆಯಲ್ಲಿ ವಾಸವಿದ್ದು, ಈ ಹಿಂದೆ ಹಲವು ಬಾರಿ ಇಲ್ಲಿ ಗಲಾಟೆಗಳಾಗಿದ್ದು, ಸದ್ಯ ನಗರದ ವಿವಾದಿತ ಪ್ರದೇಶ ಎಂದೇ ಗುರ್ತಿಸಲ್ಪಟ್ಟಿದೆ. ಆದರೆ ಕೆಲ ವರ್ಷಗಳ ಹಿಂದೆ ಕ್ಲಾಕ್​ ಟವರ್​ ವೃತ್ತದಲ್ಲಿರುವ ಗಡಿಯಾರ ಗೋಪುರಕ್ಕೆ ಸುಣ್ಣ ಬಣ್ಣ ಬಳಿಯಲಾಗಿದೆ. ನಾಲ್ಕು ದಿಕ್ಕುಗಳಲ್ಲಿದ್ದ ಗಡಿಯಾರಗಳಲ್ಲಿ 3 ಭಾಗದಲ್ಲಿ ಕಾಣದಂತೆ ಶೀಟ್​ ಮುಚ್ಚಲಾಗಿದೆ.

ಇದೇ ರೀತಿ ಹಳೇ ಬಸ್​ ನಿಲ್ದಾಣದ ಮಧ್ಯ ಭಾಗದಲ್ಲಿರುವ ಗೋಪುರದಲ್ಲಿಯೂ ಗಡಿಯಾರಗಳು ಕೆಟ್ಟು ನಿಂತಿವೆ. ಸುತ್ತಲೂ ವ್ಯಾಪಾರಸ್ಥರು ತಂಗುದಾಣ ಸೇರಿಸಿಕೊಂಡು ಪೆಟ್ಟಿಗೆ ಅಂಗಡಿಗಳನ್ನು ನಿಮಾರ್ಣ ಮಾಡಿಕೊಂಡಿದ್ದಾರೆ. ಮೇಲ್ಭಾಗ ಕಾಣುವ ಗೋಪುರಕ್ಕೆ ಬಣ್ಣ ಬಳಿಯಲಾಗಿದ್ದು, ಕೆಳಭಾಗದಲ್ಲಿ ಕಸದ ತೊಟ್ಟಿ ನಿಮಾರ್ಣವಾಗಿದೆ. ಅಂಗಡಿಗಳ ತ್ಯಾಜ್ಯ ಗಡಿಯಾರ ಗೋಪುರ ಪಕ್ಕದಲ್ಲಿ ಎಸೆಯುತ್ತಿದ್ದಾರೆ.

ಈ ಗೋಪುರಗಳಿಗೆ ಕಳೆದ 3 ವರ್ಷಗಳ ಹಿಂದೆ ಮಾಜಿ ಸಂಸದ ಮುನಿಸ್ವಾಮಿ ಕ್ಲಾಕ್​ ಟವರ್​ನಲ್ಲಿರುವ ಗೋಪುರದ ಮೇಲೆ ಸ್ವಾತಂತ್ರ ದಿನದಂದು ರಾಷ್ಟ್ರಧ್ವಜ ಹಾರಿಸಲು ಒಂದು ಕೋಮಿನವರು ಕಟ್ಟಿದ್ದ ಬ್ಯಾನರ್​ ತೆರವುಗೊಳಿಸಿ ಸುಣ್ಣ ಬಣ್ಣ ಬಳಸಿ ಬಿಗಿ ಬಂದೋಬಸ್ತ್​

ನಡುವೆ ರಾಷ್ಟ್ರಧ್ವಜ ಹಾರಿಸಲಾಗಿತ್ತು.