ಕಳೆದ ಒಂದು ವಾರದಿಂದ ಎನ್ಡಿಎ ಅಭ್ಯರ್ಥಿ ರೇಸ್ನಲ್ಲಿ ನಿಖಿಲ್ ಕುಮಾರಸ್ವಾಮಿ ಅವರ ಹೆಸರು ಮುಂಚೂಣಿಗೆ ಬಂದಿದೆ. ಎಚ್ಡಿಕೆ ಎಲ್ಲಿಯೂ ಈ ಬಗ್ಗೆ ಖಚಿತ ಪಡಿಸಿಲ್ಲವಾದರೂ, ಇದು ನಿಜವೇ ಆದರೆ ತಮ್ಮ ರಾಜಕೀಯ ಜೀವನದ ದೊಡ್ಡ ರಿಸ್ಕ್ ಆಗಲಿದೆ. ಚನ್ನಪಟ್ಟಣ ಕ್ಷೇತ್ರದಲ್ಲಿ ಈ ಬಾರಿ ಉಪಚುನಾವಣೆ ಅಷ್ಟು ಸುಲಭವಾಗಿ ಇಲ್ಲ. ರಾಜ್ಯ ಮತ್ತು ಕೇಂದ್ರ ಸರ್ಕಾರಗಳ ಪಾಲಿಗೆ ನಿರ್ಣಾಯಕವೂ ಆಗಲಿದೆ. ಈ ಹಿನ್ನೆಲೆಯಲ್ಲಿ ದೊಡ್ಡ ಕಾದಾಟವೇ ಇಲ್ಲಿ ನಡೆಯಲಿದೆ. ಇದರ ನಡುವೆ ನಿಖಿಲ್ ಗೆಲುವು ಅಷ್ಟು ಸುಲಭವಾಗಿಲ್ಲ. ಒಂದು ವೇಳೆ ನಿಖಿಲ್ ಗೆದ್ದರೆ ಎಲ್ಲವೂ ಸಲೀಸು. ಆದರೆ, ಸೋತರೆ ಈಗಾಗಲೇ ಎರಡು ಸೋಲು ಕಂಡಿರುವ ನಿಖಿಲ್ ಮತ್ತು ಜೆಡಿಎಸ್ ಸಂಟನೆ ವಿಚಾರದಲ್ಲಿ ದೊಡ್ಡ ಹಿನ್ನಡೆಯನ್ನು ಎಚ್ಡಿ ಕುಮಾರಸ್ವಾಮಿ ಅವರು ಅನುಭವಿಸಬೇಕಿದೆ. ಅಲ್ಲದೆ, ಕೇಂದ್ರದ ತಮ್ಮ ಮಂತ್ರಿ ಸ್ಥಾನವೂ ಮುಳ್ಳಿನ ಹಾಸಿಗೆ ಆಗಬಹುದು. ಈ ಎಲ್ಲ ಲೆಕ್ಕಾಚಾರಗಳನ್ನು ಎಚ್ಡಿಕೆ ಅಳೆದು ತೂಗಿ ಮಾಡುತ್ತಿದ್ದಾರೆ ಎನ್ನಲಾಗಿದೆ.
