ನಗರದಲ್ಲಿ ಸುದ್ದಿಗೋಷ್ಠಿಯಲ್ಲಿ ಗುರುವಾರ ಮಾತನಾಡಿದ ಅವರು, ಕಾಂಗ್ರೆಸ್ ಸರ್ಕಾರ ಬಂದ ಮೇಲೆ ಎಸ್ಡಿಪಿಐ ಸಂಘಟನೆ ಮೇಲಿನ ವಿವಿಧ ಕೇಸ್ ವಾಪಸ್ ಪಡೆದಿದೆ. ಪೊಲೀಸ್ ಠಾಣೆ ಸುಟ್ಟವರ ಕೇಸ್ ವಾಪಸ್ ತೆಗೆದುಕೊಂಡಿದೆ. ಈ ರೀತಿಯ ಸರ್ಕಾರದ ಧೋರಣೆಯಿಂದ ಅಪರಾಧಿಕರಣ ಮನೋಭಾವ ಹೆಚ್ಚಾಗಿದೆ. ನೇಹಾ ಹಿರೇಮಠ, ಅಂಜಲಿ ಅವರ ಕೊಲೆ ಸಹ ಇದೇ ಧೋರಣೆಯ ಕಾರಣದಿಂದಾಗಿದೆ. ಶಿರಸಿಯಲ್ಲೂ ಇಂತಹದ್ದೇ ವಾತಾವರಣ ಸೃಷ್ಟಿಯಾಗಿದೆ. ಸೈನಿಕನ ಮನೆ ಮೇಲೆ ದಾಳಿ ನಡೆದಿದೆ, ಸೈನಿಕನಿಂದ ತಪ್ಪಾಗಿದ್ದರೆ ಕಾನೂನು ಹೋರಾಟ ಆಗಬೇಕಿತ್ತೇ ಹೊರತೂ ಮನೆ ಮೇಲೆ ದಾಳಿ ಸಲ್ಲ. ಉದ್ಯಮಿ ಪ್ರೀತಮ ಪಾಲನಕರ್ ಆತ್ಮಹತ್ಯೆಗೆ ಕಾರಣರಾದ ಆರೋಪಿಗಳನ್ನು ಇನ್ನೂ ಬಂಧಿಸಿಲ್ಲ. ಈ ಸರ್ಕಾರದ ಆಡಳಿತದಲ್ಲಿ ಜೀವಕ್ಕೇ ಗ್ಯಾರಂಟಿ ಇಲ್ಲ, ಇನ್ನು ಸರ್ಕಾರದ ಗ್ಯಾರಂಟಿ ತಗೊಂಡು ಏನು ಮಾಡೋಣ ಎಂದು ಜನ ಕೇಳುತ್ತಿದ್ದಾರೆ ಎಂದರು.
